ଜଗତସିଂହପୁର: ଦୀର୍ଘଦିନର ବ୍ୟବଧାନ ପରେ ରାଜ୍ୟ ସରକାର ଯାତ୍ରା ପରିବେଷଣ ପାଇଁ ସବୁଜ ସଙ୍କେତ ଦେଇଛନ୍ତି । ଯାହାକୁ ନେଇ ଯାତ୍ରା ପାର୍ଟି ମାଲିକ ଓ କଳାକାରଙ୍କ ମହଲରେ ଖୁସିର ଲହରୀ ଖେଳିଯାଇଛି ।
ଯାତ୍ରାକୁ ଅନୁମତି: ଖୁସିବ୍ୟକ୍ତ କଲେ କଳାକାର
ଆଜି(ଶନିବାର) ସନ୍ଧ୍ୟାରେ ରାଜ୍ୟ ସରକାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇବା ପରେ ଯାତ୍ରାପାର୍ଟି ମାଲିକ ଓ କଳାକାର ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ଦୀର୍ଘ 11 ମାସ ଧରି ଯାତ୍ରାପାର୍ଟି ମାଲିକଙ୍କ ଠାରୁ ଆରମ୍ଭ କରି ଛୋଟବଡ଼ କଳାକାର ଓ ଯାତ୍ରାପାର୍ଟିର ବିଭିନ୍ନ କାର୍ଯ୍ୟରେ ନିୟୋଜିତ କର୍ମଚାରୀମାନେ ଜୀବିକା ହରାଇ ଦୟନୀୟ ଅବସ୍ଥାରେ ଜୀବନ କାଟୁଥିଲେ । ଏହାକୁ ନେଇ ଯାତ୍ରା କଳାକାରମାନେ ମଧ୍ୟ ବିଧାନସଭା ସମ୍ମୁଖରେ ଆମରଣ ଅନଶନରେ ବସିଥିଲେ । ସରକାର ସେମାନଙ୍କ ଦାବିକୁ ଗ୍ରହଣ କରି 2ହଜାର ଲୋକଙ୍କୁ ନେଇ ଯାତ୍ରା ପରିବେଷଣ ପାଇଁ ସବୁଜ ସଙ୍କେତ ଦେବାପରେ ଯାତ୍ରା ମାଲିକ ଓ କଳାକାର ଧନ୍ୟବାଦ ଜଣାଇଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
