ଜଗତସିଂହପୁର: ଜିଲ୍ଲାର ଜଣାଶୁଣା ସ୍ୱେଚ୍ଛାସେବୀ ତଥା ତାଙ୍କ ଜୀବନକାଳ ମଧ୍ୟରେ 500 ରୁ ଅଧିକ ଥର ରକ୍ତଦାନ କରିଥିବା ମାନବ ପ୍ରେମୀ ଅଜୟ କୁମାର ବିଶ୍ବାଳଙ୍କ ବିୟୋଗ ହୋଇଛି । ତାଙ୍କ ଦେହାନ୍ତରେ ଜଗତସିଂହପୁର ସାରସ୍ବତ ପରିଷଦ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ପରିସରରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ଜଣାଶୁଣା ସ୍ୱେଚ୍ଛାସେବୀ ଅଜୟ କୁମାର ବିଶ୍ବାଳ ଗରିବଙ୍କ ବନ୍ଧୁ ଥିଲେ ।
500ରୁ ଊର୍ଦ୍ଧ ଥର ରକ୍ତଦାନ କରିଥିବା ମାନବ ପ୍ରେମୀଙ୍କ ବିୟୋଗରେ ଶୋକ
ଜଗତସିଂହପୁର ମୁଖ୍ୟ ଚିକିତ୍ସାଳୟରେ ଦିନ ରାତି ଜଗି ରହୁଥିଲେ । ରକ୍ତ ବିନା ଯେପରି କେହି ରୋଗୀ ନ ମରେ ସେଥିପାଇଁ ସେ ସଜାଗ ରହୁଥିଲେ । ସେ ତାଙ୍କ ଜୀବନକାଳରେ 500ରୁ ଅଧିକ ଥର ରକ୍ତଦାନ କରିବା ସହ ଗରିବ ରୋଗୀଙ୍କ ପାଇଁ ସେ ଦେବଦୂତ ସାଜିଥିଲେ । ଜୀବନର ସମସ୍ତ ପୁଞ୍ଜିକୁ ସେ ଗରିବଙ୍କ ଚିକିତ୍ସା ପାଇଁ ଖର୍ଚ୍ଚ କରି ଦେଉଥିଲେ । ଆଉ ତାଙ୍କର ଏବେ ଅକାଳରେ ମୃତ୍ୟୁ ଘଟିଛି । ତାଙ୍କର ବିୟୋଗରେ ବିଭିନ୍ନ ଅନୁଷ୍ଠାନ ପକ୍ଷରୁ ଶୋକ ପ୍ରକାଶ କରାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
