ଜଗତସିଂହପୁର: ଓଡ଼ିଶାର ଅନ୍ୟତମ ଶକ୍ତି ପୀଠ ଜଗତସିଂହପୁର ଜିଲ୍ଲାର ମା ଶାରଳାଙ୍କ ମନ୍ଦିରରେ ଆଜି ମହାସପ୍ତମୀ ପୂଜା ଅନୁଷ୍ଠିତ ହେଉଛି । ଭୋର ଚାରିଟାରୁ ଦ୍ୱାର ଫିଟା ମଙ୍ଗଳ ଆଳତୀ କରାଯିବା ପରେ ମହାସ୍ନାନ ଓ ବେଶ ଅନୁଷ୍ଠିତ ହୋଇଥିଲା ।
ମା ଶାରଳାଙ୍କ ପୀଠରେ ମହାସପ୍ତମୀ ପୂଜା
ଯାହାପରେ ଯଜ୍ଞ ମଣ୍ଡପରେ ସୂର୍ଯ୍ୟ ପୂଜା, ଘଟ ପୂଜାପରେ ମହାସପ୍ତମୀ ପୂଜା ଓ ମାଙ୍କୁ ଷୋଡଶ ଉପଚାରରେ ପୂଜା କରାଯାଇଥିଲା । ଗୁରୁବାର ସନ୍ଧ୍ୟାରେ ମାଙ୍କୁ ସୁନା ବେଶରେ ସଜ୍ଜିତ କରାଯିବ । ପ୍ରତ୍ୟେକ ଦିନ ଦଶ ଜଣ ମନ୍ଦିର ପୁରୋହିତଙ୍କ ଦ୍ଵାରା ଚଣ୍ଡୀ ପାଠ କରାଯିବା ସହ ଆହୁତି ପ୍ରଦାନ କରାଯାଇଛି ।
କୋଭିଡ ନିୟମ ଅନୁସାରେ ସର୍ବସାଧାରଣଙ୍କ ଦର୍ଶନ ଉପରେ ରୋକ ଲଗାଯାଇଛି । ତେବେ ସେବକମାନଙ୍କ ଦ୍ୱାରା ପୂଜା କାର୍ଯ୍ୟ ସମ୍ପାଦନ କରାଯାଉଥିବା ଦେଖିବାକୁ ମିଳିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
