ଜଗତସିଂହପୁର : ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅଞ୍ଚଳରେ ଲେଡି ଲୁଟେରାଙ୍କ ଆତଙ୍କ । ଦିନ ଦ୍ବିପହରରେ ଘରେ ପଶି ବନ୍ଧୁକ ଦେଖାଇ ଲୁଟି ନେଲେ ଲକ୍ଷାଧିକ ଟଙ୍କା ସହ ସୁନା ଅଳଙ୍କାର । ଏଭଳି ଘଟଣା ଦେଖିବାକୁ ମିଳିଛି ତିର୍ତ୍ତୋଲ ବଜାରରେ । ଘଟଣା ପରେ ତିର୍ତ୍ତୋଲ ପୋଲିସ ଖୋଳତାଡ଼ ଆରମ୍ଭ କରିଛି ।
ସୂଚନା ଅନୁସାରେ ତିର୍ତ୍ତୋଲ ବଜାରରେ ରହୁଥିବା ବିଭୁତି ଭୂଷଣ ଦାସ ନାମକ ଜଣେ ବ୍ୟକ୍ତିଙ୍କ ଘରେ ଆଜି ( ବୁଧବାର) ମଧ୍ୟାହ୍ନ ୧୨ଟାରେ ଜଣେ ମହିଳା ପଶି କବାଟ ବାଡେଇଥିଲେ । ସେହି ସମୟରେ ଘରେ ବିଭୁତି ନଥିବାରୁ ତାଙ୍କ ପତ୍ନୀ କବାଟ ଖୋଲିଥିଲେ । ହଠାତ୍ ମହିଳା ଜଣଙ୍କ ବିଭୁତିଙ୍କ ପତ୍ନୀଙ୍କ ମୁଣ୍ଡରେ ବନ୍ଧୁକ ଲଗାଇ ଦେଇଥିଲେ ।
ଏହାପରେ ଅନ୍ୟ ଲୁଟେରାମାନେ ଘର ଭିତରେ ପଶି ଲୁଟପାଟ ଆରମ୍ଭ କରିଥିଲେ। ଘର ଭିତରେ ଥିବା ଆଲମିରା ଭାଙ୍ଗିବା ସହ ଲକ୍ଷାଧିକ ଟଙ୍କା ଓ ସୁନା ଅଳଙ୍କାର ଲୁଟ କରି ଫେରାର ହୋଇଯାଇଥିଲେ । ଏ ସମ୍ପର୍କରେ ବିଭୁତି ଭୂଷଣ ଖବରପାଇ ଘରେ ପହଞ୍ଚି ତିର୍ତ୍ତୋଲ ଥାନା ଅଧିକାରୀଙ୍କୁ ଖବର ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
