ଜଗତସିଂହପୁର: ରବିବାର ଜିଲ୍ଲାରୁ ନୂଆ 108 କୋରୋନା ପଜିଟିଭ ଚିହ୍ନଟ ହୋଇଛନ୍ତି । ପଜିଟିଭଙ୍କ ମଧ୍ୟରେ ଦୁଇ ପୋଲିସ କର୍ମଚାରୀ ମଧ୍ୟ ରହିଛନ୍ତି । ଜଗତସିଂହପୁର ସଦର ଥାନାର ଜଣେ ଏଏସଆଇ ସଂକ୍ରମଣର ଶିକାର ହୋଇଥିବାବେଳେ ଏସପି ଅଫିସରେ କାର୍ଯ୍ୟରତ ଜଣେ କନେଷ୍ଟବଳଙ୍କ ରିପୋର୍ଟ ମଧ୍ୟ ପଜିଟିଭ ରହିଛି ।
ଆଜି ଚିହ୍ନଟ ହୋଇଥିବା 108 ଜଣଙ୍କ ମଧ୍ୟରୁ ବାଲିକୁଦାରୁ 10, ବିରିଡିରୁ 11, ଏରସମାରୁ 3, ଜଗତସିଂହପୁର ବ୍ଲକରୁ 16, ଜଗତସିଂହପୁର ପୌରାଞ୍ଚଳରୁ 11, ନାଉଗାଁରୁ 2, କୁଜଙ୍ଗରୁ 13, ପାରାଦ୍ୱୀପରୁ 12, ରଘୁନାଥପୁରରୁ 6, ତିର୍ତ୍ତୋଲରୁ 21 ଓ ଅନ୍ୟାନ୍ୟ ସ୍ଥାନରୁ 28, କଟକ ଓ କେନ୍ଦ୍ରାପଡା ଜିଲ୍ଲାରୁ ଆସିଥିବା 3 ଜଣ କୋରୋନା ପଜିଟିଭ ଥିବା ଜଣାପଡ଼ିଛି।
ଏହି ସଂଖ୍ୟା ସହ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 2990ରେ ପହଞ୍ଚିଛି । ତେବେ 2006 ଜଣ ସୁସ୍ଥ ହୋଇ ସାରିଥିବାବେଳେ, ବର୍ତ୍ତମାନ ସୁଦ୍ଧା 978 ଜଣ ସକ୍ରିୟ ଆକ୍ରାନ୍ତ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସାଧିନ ଅଛନ୍ତି । ଜିଲ୍ଲାରେ କୋରୋନା ଜନିତ ମୃତ୍ୟୁ ସଂଖ୍ୟା 6ରେ ସ୍ଥିର ରହିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
