ଜଗତସିଂହପୁର: ସଦର ଥାନା ଅନ୍ତର୍ଗତ ସେକପାଟଣା ନିକଟ ମାଛଗାଁ କେନାଲରେ ଭାସୁଥିବା ଅବସ୍ଥାରେ ଏକ ଯୁବକର ଗଳିତ ମୃତଦେହ ଉଦ୍ଧାର କରିଛି ଜଗତସିଂହପୁର ପୋଲିସ । ସୂଚନା ଅନୁସାରେ, ଆଜି ଦିନ ଅପରାହ୍ନରେ ଜଗତସିଂହପୁର ଉପକଣ୍ଠ ସେକପାଟଣା ନିକଟ କେନାଲରେ ଜଣେ ଅଚିହ୍ନା ଯୁବକଙ୍କ ଗଳିତ ମୃତଦେହ ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ।
ମାଛଗାଁ କେନାଲରୁ ଗଳିତ ମୃତଦେହ ଉଦ୍ଧାର, ପୋଲିସର ଛାନଭିନ
ପୋଲିସ ଘଟଣାସ୍ଥଳରେ ପହଞ୍ଚି ପାଣି ଭିତରୁ ମୃତଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଛି ।
ତେବେ ଏହା ହତ୍ୟା ନାଁ ଆତ୍ମହତ୍ୟା ସେ ନେଇ ସ୍ପଷ୍ଟ ହୋଇନାହିଁ । ମୃତଦେହଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିବାରୁ ଚିହ୍ନଟ କରିବା ସମ୍ଭବ ହୋଇନାହିଁ । ତେବେ ମୃତକଙ୍କ ବୟସ ପ୍ରାୟ 30 ବର୍ଷ ହେବ ବୋଲି ଅନୁମାନ କରାଯାଉଛି । ଅନ୍ୟପଟେ ସେ ଜଣେ ବୋଲବମ୍ ଭକ୍ତ ହୋଇଥିବା ପୋଲିସ ପକ୍ଷରୁ କୁହାଯାଇଛି । ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
