ଜଗସିଂହପୁର: ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ । ପାରାଦ୍ଵୀପ ଗଡ଼ ବଜାରରୁ ରବିବାର ସନ୍ଧ୍ୟା ସମୟରେ ମାର୍କେଟିଂ କରିବାକୁ ଯାଇଥିବା ଜଣେ ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ ।
ଦୁଇଜଣ ଯୁବକ ବିନା ନମ୍ବର ପ୍ଲେଟ ଏକ ସ୍କୁଟିରେ ଆସି ମହିଳାଙ୍କ ବେକରୁ ଚେନ୍ ଛିଣ୍ଡାଇ ନେଇଥିବା ଲକ୍ ଥାନାରେ ଅଭିଯୋଗ କରିଛନ୍ତି ମହିଳା। ଚେନର ମୂଲ୍ୟ ପାଖାପାଖି ୯୦ ହଜାର ଟଙ୍କା ହେବ । ଘଟଣାସ୍ଥଳରୁ ମିଳିଥିବା ସିସିଟିଭି ଫୁଟେଜ ଅନୁଯାୟୀ ଦୁଇ ଦୁର୍ବୃତ୍ତ ଏକ ସ୍କୁଟିରେ କଥା ହେଉଥିବା ଦେଖିବାକୁ ମିଳୁଛି l
ପ୍ରଥମେ ଜଣେ ଦୁର୍ବୃତ୍ତ ସ୍କୁଟି ନେଉଛି ତାପରେ ଅନ୍ୟ ଏକ ଦୁର୍ବୃତ୍ତକୁ ଫୋନ କରିବା ସହିତ ମହିଳାଙ୍କ ବେକରୁ ସୁନା ଚେନ୍ ଟି ଝାମ୍ପି ନେଇ ଫେରାର ହୋଇଯାଉଛି । ସ୍ଥାନୀୟ ଲୋକ ପିଛା କରିଥିଲେ ମଧ୍ୟ ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି l ପୋଲିସ ଘଟଣାସ୍ଥଳରେ ପହଞ୍ଚିବା ସହିତ ସିସିଟିଭି ଫୁଟେଜ ଆଧାରରେ ଯୁବକଙ୍କୁ ଚିହ୍ନିବା ପାଇଁ ପ୍ରୟାସ ଜାରି ରଖିଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
