ଜଗତସିଂହପୁର: ସଦର ନିର୍ବାଚନ ମଣ୍ଡଳୀରେ ବିଜେଡିର ଗୋଷ୍ଠୀ କନ୍ଦଳ ତୀବ୍ରତର ହେବାରେ ଲାଗିଛି। ଜଗତସିଂହପୁର ନିର୍ବାଚନ ମଣ୍ଡଳୀରେ ବିଜେଡି ପ୍ରଶାନ୍ତ ମୁଦୁଲିଙ୍କୁ ପ୍ରାର୍ଥୀ କଲାପରେ ଅମରେନ୍ଦ୍ର ଦାସଙ୍କ ସମର୍ଥକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି,ଜଗତସିଂହପୁର
ତେବେ ଏହା ଶନିବାର ଏହି ଗୋଷ୍ଠୀ ସଂଘର୍ଷର ରୂପ ନେଇଥିଲା । ପ୍ରଶାନ୍ତ ମୁଦୁଲି ଆଜି ଏକ ଶୋଭାଯାତ୍ରାରେ ନାଉଗାଁ ଅଭିମୁଖେ ଯିବା ସମୟରେ ମୁଣ୍ଡାଳ ଛକ ନିକଟରେ ପୂର୍ବରୁ ଛପି ରହିଥିବା ଅମରେନ୍ଦ୍ରଙ୍କ ସମର୍ଥକ ସାମ୍ନାକୁ ଆସି କଳାପତକା ପ୍ରଦର୍ଶନ କରିଥିଲେ।
ଏହାକୁ ନେଇ ଦୁଇଗୋଷ୍ଠୀଙ୍କ ମଧ୍ୟରେ ଧସ୍ତାଧସ୍ତି ହେବାସହ ମାଡପିଟ୍ ହୋଇଥିଲା । ତୁରନ୍ତ ଘଟଣାସ୍ଥଳରେ ପୋଲିସ ପହଞ୍ଚି ଉଭୟ ପକ୍ଷଙ୍କୁ ବୁଝାସୁଝା କରିଥିଲା । କିନ୍ତୁ ଏ ସମ୍ପର୍କରେ କିଛି ଅଭିଯୋଗ ହୋଇନଥିବା ପୋଲିସ ସୂଚନା ଦେଇଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
