ଜଗତସିଂହପୁର :ଗତ ୫ ତାରିଖରେ ତାରପୁର ନିକଟ ମହାନଦୀ ବ୍ରିଜ୍ ଉପରୁ ଜଣେ ମଧ୍ୟ ବୟସ୍କ ବ୍ୟକ୍ତି ହଠାତ ପାଣିକୁ ଡେଇଁ ପଡିଥିଲେ। ଅଗ୍ନୀଶମ ବିଭାଗ ଓ ପୋଲିସ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ପତ୍ତା ମିଳିନଥିଲା। ଗୁରୁବାର ସେହି ନଦୀପଠାରୁ ଉକ୍ତ ବ୍ୟକ୍ତିଙ୍କର ମୃତଦେହ ଉଦ୍ଧାର କରାଯାଇଛି।
ଭିଡିଓ ସୌଜନ୍ୟ : ପ୍ରତିନିଧି, ଜଗତସିଂହପୁର
ମୃତକ ରଘୁନାଥପୁର ଥାନା, ଅଢେଇକୁଳ ଗ୍ରାମର ଅକ୍ଷୟ ବିଶ୍ବାଳ ବୋଲି ପୋଲିସ ଚିହ୍ନଟ କରିଛି। ଗତ ଦୁଇମାସ ତଳେ କୌଣସି କାରଣରୁ ଅକ୍ଷୟଙ୍କ ପୁଅର ମୃତ୍ୟୁ ହୋଇଥିଲା। ଏହାକୁ ନେଇ ସେ ସମ୍ପୂର୍ଣ ଭାଙ୍ଗି ପଡିଥିଲେ। ଏହି କାରଣରୁ ସେ ମାନସିକ ଭାରାସାମ୍ୟ ହରାଇ ଆତ୍ମହତ୍ୟା କରିଥାଇ ପାରନ୍ତି ବୋଲି ପୋଲିସ ଅନୁମାନ କରୁଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
