ଜଗତସିଂହପୁର: ନାବାଳିକା ଦୁଷ୍କର୍ମ ମାମଲାରେ ଦୋଷୀକୁ ଆଜୀବନ ଦଣ୍ଡାଦେଶ ଦେଲେ ପୋକ୍ସ କୋର୍ଟ । ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ ତାଳପଡା ଅଞ୍ଚଳରେ ଜଣେ ନାବାଳିକା ଦୁଷ୍କର୍ମ ଅଭିଯୋଗରେ ଅଭିଯୁକ୍ତକୁ 20 ବର୍ଷ ସଶ୍ରମ କାରାଦଣ୍ଡ ସହିତ 50 ହଜାର ଟଙ୍କାର ଜୋରିମାନା ଦଣ୍ଡରେ ଦଣ୍ଡିତ କରିଛନ୍ତି ।
ଘଟଣା ଅନୁଯାୟୀ ଗତ 2016 ମସିହା ଅପ୍ରେଲ 21 ତାରିଖରେ ଜଣେ 16 ବର୍ଷୀୟ ନାବାଳିକା ସ୍କୁଲ ଯିବା ସମୟରେ ବୁରୁଣ୍ଡି ଗ୍ରାମର ପ୍ରମୋଦ ସାହୁ ଓରଫ ବାପି ତାଙ୍କୁ ଜୋର ଜବରଦସ୍ତ ସ୍କୁଲ ଛାତ ଉପରକୁ ନେଇ ଦୁଷ୍କର୍ମ କରିଥିଲା । ଏହି ଘଟଣାକୁ ନେଇ ନାବାଳିକାର ପରିବାର ତିର୍ତ୍ତୋଲ ଥାନାରେ ଅଭିଯୋଗ କରିଥିଲେ ।
ଅଭିଯୋଗ ପାଇବା ପରେ ପୋଲିସ ଅଭିଯୁକ୍ତକୁ ଗିରଫ କରି କୋର୍ଟଚାଲାଣ କରିଥିଲା । ପୀଡ଼ିତା ନାବାଳିକା ହୋଇଥିବାରୁ ମାମଲାଟି ପୋକ୍ସୋ କୋର୍ଟକୁ ସ୍ଥାନାନ୍ତର ହୋଇଥିଲା । ତେବେ ଦୀର୍ଘ 7ବର୍ଷ ପରେ ଏହି ଘଟଣାର ରାୟ ଆସିଛି । ପୋକ୍ସୋ କୋର୍ଟର ବିଚାରପତି ଏହି ଘଟଣାରେ ସମସ୍ତ ପ୍ରମାଣ ପତ୍ରକୁ ଭିତ୍ତିକରି ଅଭିଯୁକ୍ତକୁ 20 ବର୍ଷ ଜେଲ ଦଣ୍ଡ ସହିତ 50 ହଜାର ଟଙ୍କା ଜୋରିମାନା ଦଣ୍ଡରେ ଦଣ୍ଡିତ କରିଛନ୍ତି ।
ଇଟିଭି ଭାରତ, ଜଗତସିଂହପୁର
