ଜଗତସିଂହପୁର: ଜିଲ୍ଲାର ସ୍ଥାନୀୟ ସାରଦା ମଣ୍ଡପଠାରେ ଭାରତୀୟ ଜନତା ପାର୍ଟି ପକ୍ଷରୁ ସୋମବାର ଅପରାହ୍ନରେ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା ।
‘CAA-NRCକୁ ନେଇ ଦେଶରେ କୋକୁଆ ଭୟ ସୃଷ୍ଟି କରୁଛନ୍ତି ରାଷ୍ଟ୍ରବିରୋଧୀ’
ଏଥିରେ ରାଜ୍ୟ ବିଜେପି ମୁଖପାତ୍ର ପବିତ୍ର ମୋହନ ଦାସଙ୍କ ଅଭିଯୋଗ ଅନୁସାରେ, ଦେଶରେ କେତେକ ରାଷ୍ଟ୍ର ବୋରୋଧୀ CAA ଓ NRCକୁ ନେଇ ଦେଶରେ କକୁଆ ଭୟ ସୃଷ୍ଟି କରୁଛନ୍ତି । ଯାହାକୁ ନେଇ ସଂଖ୍ୟାଲଘୁ ସମ୍ପ୍ରଦାୟର ଲୋକେ ଅଧିକ ଆତଙ୍କିତ ହୋଇ ପଡୁଛନ୍ତି ।
ଯେଉଁ କାରଣରୁ ରାଜ୍ୟରେ ବିଜେପି ପକ୍ଷରୁ CAA ଓ NRC ସପକ୍ଷରେ ସିଧାସଳଖ ଲୋକଙ୍କ ପାଖକୁ ଯାଇ ଜନ ଜାଗରଣ ସୃଷ୍ଟି କରାଯିବ ବୋଲି ସେ କହିଛନ୍ତି । ଏଥିରେ ବିଜେପି ନେତା ବିଭୁ ପ୍ରସାଦ ତରାଇ, ବିଜେପି ଜିଲ୍ଲା ସଭାପତି ସତ୍ୟବ୍ରତ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
