ପାରାଦ୍ଵୀପ: ନେହେରୁ ବଙ୍ଗଳା ମାଛଧରା ବନ୍ଦରରେ ଅଘଟଣ । ଶୋଇବାକୁ ଯିବା ସମୟରେ ବୋଟ୍ରୁ ଖସି ମତ୍ସ୍ୟଜୀବୀ ମୃତ । ଓଡ୍ରାଫ ଟିମ୍ ଦ୍ବାରା ମୃତଦେହ ଉଦ୍ଧାର । ମୃତ ମତ୍ସ୍ୟଜୀବୀ ମହେଶ୍ୱର ମାଝୀ ବୋଲି ଜଣାପଡିଛି ।
ଗତକାଲି(ମଙ୍ଗଳବାର) ବିଳମ୍ବିତ ରାତିରେ ମହେଶ୍ବର ବୋଟ୍ରେ ଶୋଇବାକୁ ଯାଉଥିବା ସମୟରେ ଅସାବଧାନତା କାରଣରୁ ତଳକୁ ଖସିପଡିଥିଲେ । ସ୍ଥାନୀୟ ମତ୍ସ୍ୟଜୀବୀମାନେ ତାଙ୍କୁ ଖୋଜାଖୋଜି କରିଥିଲେ ମଧ୍ୟ ପତ୍ତା ପାଇନଥିଲେ । ଫଳରେ ସକାଳୁ ଓଡ୍ରାଫ ଟିମ୍କୁ ଖବର ଦେଇଥିଲେ । ଖବର ପାଇ ଓଡ୍ରାଫ ଟିମ୍ ମାଛଧରା ବନ୍ଦରରେ ପହଞ୍ଚି ପ୍ରାୟ ୧ ଘଣ୍ଟା ଖୋଜାଖୋଜି କରିବା ପରେ ମହେଶ୍ୱରଙ୍କ ମୃତଦେହ ଉଦ୍ଧାର କରିଛି । ମୃତ ମହେଶ୍ୱର, ଭଦ୍ରକ ଜିଲ୍ଲା ଆରଡ଼ି ବାଁଶଗଡାର ମଥୁରୀ ମାଝୀଙ୍କ ପୁଅ ବୋଲି ଜଣାପଡ଼ିଛି । ସେ କିଛି ଦିନ ହେଲା ପାରାଦ୍ଵୀପ ମାଛଧରା ବନ୍ଦରରେ ଲୋକନାଥ ନାମକ ଏକ ବୋଟ୍ରେ କାର୍ଯ୍ୟ କରୁଥିଲେ ।
ଇଟିଭି ଭାରତ, ଜଗତସିଂହପୁର
