ଜଗତସିଂହପୁର: ଦୁଇ ଚୋରା ମଦ ବ୍ୟବସାୟୀ ଗିରଫ । ଗତ ଗୁରୁବାର ବିଳମ୍ବିତ ରାତ୍ରିରେ ଜଗତସିଂହପୁର ସଦର ପୋଲିସ ଏସିପିଙ୍କ କାର୍ଯ୍ୟାଳୟ ନିକଟରେ ଚୋରାମଦ ବ୍ୟବସାୟୀଙ୍କ ଉପରେ ଚଢାଉ କରି ୨ ଜଣକୁ ଗିରଫ କରିବା ସହ ୧୦୪ ଲିଟର ବିଦେଶୀ ମଦ ଜବତ କରିଛି।
ପୋଲିସ ସୂଚନା ଅନୁସାରେ, ଏସପିଙ୍କ ଅଫିସ ଠାରୁ ମାତ୍ର ୫୦ ମିଟର ଦୂର ଖେରସ ଗ୍ରାମର ଦାମୋଦର ମହାରଣାଙ୍କ ଘରେ ଅଚାନକ ଚଢାଉ କରାଯାଇଥିଲା। ଚଢାଉ ବେଳେ ୧୦୪ ଲିଟର ବିଦେଶୀ ମଦ ସହ ୫୪୭୦ ଟଙ୍କା ଜବତ କରାଯାଇଛି । ଏଥିସହ ଦାମୋଦର ମହାରଣାଙ୍କ ଦୁଇପୁଅ ହେମନ୍ତ ମହାରଣା ଓ ଅନନ୍ତ ମହାରଣାଙ୍କୁ ଗିରଫ କରାଯାଇଛି । ସେମାନଙ୍କ ବିରୋଧରେ ଅବକାରୀ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି।
ଜଗସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
