ଭଞ୍ଜନଗର: ସଂଗରୋଧ କେନ୍ଦ୍ରରେ ମଦ ଯୋଗାଣକୁ ନେଇ ସରପଞ୍ଚକୁ ଆକ୍ରମଣ । ଏଭଳି ଘଟଣା ଦେଖିବାକୁ ମିଳିଛି ଗଂଜାମ ଜିଲ୍ଲା ପୋଲସରା ବ୍ଲକ ଅନ୍ତର୍ଗତ କଳମ୍ବ ପଞ୍ଚାୟତର କଳମ୍ବ ଗ୍ରାମରେ । ଗତ କିଛି ଦିନ ଧରି କଳମ୍ବ ପଞ୍ଚାୟତରେ ପ୍ରବାସୀ ଓଡିଆମାନେ ସଂଗରୋଧ କେନ୍ଦ୍ରରେ ରହୁଥିବା ବେଳେ ସେମାନଙ୍କୁ ମଦ ମାଫିଆ ମାନେ ମଦ ଯୋଗାଉଥିଲେ । ମଦ ଯୋଗାଣକୁ ନେଇ ସରପଞ୍ଚ ପ୍ରଶାନ୍ତ କୁମାର ପ୍ରଧାନ ବିରୋଧ କରିବାରୁ ମାଫିଆ ମାନେ ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି ।
ସରପଞ୍ଚଙ୍କୁ ଆକ୍ରମଣ ନେଇ ଗ୍ରାମବାସୀଙ୍କ ରାସ୍ତାରୋକ
ଯାହାକୁ ନେଇ ଉତ୍ତକ୍ତ ଗ୍ରାମବାସୀ ମାନେ ମୁଖ୍ୟ ରାସ୍ତା ଉପରେ ଟାୟାର ଜାଳି ସମସ୍ତ ରାସ୍ତାକୁ ଅବରୋଧ କରିଛନ୍ତି । ଖବର ପାଇ ପୋଲସରା ପୋଲିସ ଓ ତହସିଲଦାର ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଥିବାବେଳେ ଏବେବି ଗ୍ରାମରେ ଉତ୍ତେଜନା ଲାଗିରହିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ,ଇଟିଭି ଭାରତ
