ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡ଼ା ଥାନା ଗାଜଳବାଡ଼ି ପଞ୍ଚାୟତ ଭୂତପଙ୍କାଳ ଠାରେ ନିର୍ବନ୍ଧ କାର୍ଯ୍ୟ ସାରି ଦାରିଙ୍ଗବାଡିରୁ ସୋରଡ଼ା ଫେରୁଥିବା ବେଳେ ଗଛକୁ ପିଟି ହେଲା ଟ୍ରାଭେଲର ବସ । ସୂଚନା ମୁତାବକ ଟ୍ରାଭେଲରରେ ଥିଲେ ମୋଟ ୨୧ ଜଣ ଯାତ୍ରୀ, ଯେଉଁଥିରୁ ୫ ଗୁରୁତର ହୋଇଥିବା ବେଳେ ୧୬ ଜଣ ଆହତ ହୋଇଥିବା ସୂଚନା ମିଳିଛି ।
କେତଜଣଙ୍କୁ ନିକଟସ୍ଥ ଗାଜଲବାଡି ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଥିବା ବେଳେ ଗୁରୁତରଙ୍କୁ ସୋରଡ଼ା ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସ୍ଥାନୀୟ ଲୋକେ ସୂଚନା ଦେବା ପରେ ଘଟଣା ସ୍ଥଳରେ ୧୦୮ ଆମ୍ବୁଲାନ୍ସ ସହ ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ଉଦ୍ଧାର କରି ସୋରଡ଼ା ମେଡିକାଲରେ ଭାର୍ତ୍ତି କରିଛି । ବର୍ତମାନ ସୁଦ୍ଧା ବ୍ରହ୍ମପୁର ମେଡିକାଲକୁ ଦୁଇଜଣଙ୍କୁ ପଠାଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ