ଭଞ୍ଜନଗର: ବଡ଼ଗଡ଼ ଥାନା ଅନ୍ତର୍ଗତ ଶୁଣ୍ଢିପଲ୍ଲୀ ଗ୍ରାମରେ କୃଷ୍ଣ ବିଷୋୟୀ ହତ୍ୟା ଘଟଣାରେ ପୋଲିସ ତିନିଜଣଙ୍କୁ ଗିରଫ କରିଛି । ଗିରଫ ତିନିଜଣ ହେଲେ ବିଚିତ୍ର ବିଷୋୟୀ, ସୋରା ସ୍ବାଇଁ ଓ ନବଘନ ସ୍ବାଇଁ । ସେମାନଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ପୂର୍ବ ଶତ୍ରୁତାକୁ କେନ୍ଦ୍ରକରି ଏହି ହତ୍ୟା କାଣ୍ଡ ଘଟିଥିବା ପୋଲିସ କହିଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ଅନୁସାରେ, ଶୁଣ୍ଢିପଲ୍ଲୀ ଗ୍ରାମରେ କୃଷ୍ଣ ବିଷୋୟୀ ନିଜ ଘର ବାରଣ୍ଡା ରେ ବସିଥିବାବେଳେ ତିନିଜଣ ଆସି ଖଣ୍ଡାରେ ଆକ୍ରମଣ କରିଥିଲେ । ତାଙ୍କୁ ଗୁରୁତର ଅବସ୍ଥାରେ ଆସିକା ମେଡିକାଲକୁ ନିଆ ଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
