ବ୍ରହ୍ମପୁର: ଏମ୍.କେ.ସି.ଜି ମେଡିକାଲରେ ଛଟେଇ କରାଯାଇଥିବା ଆଉଟସୋର୍ସିଂ କର୍ମଚାରୀଙ୍କ ଆନ୍ଦୋଳନ ତୃତୀୟ ଦିନରେ ପହଞ୍ଚିଛି । ଗତ ଦୁଇ ଦିନ ଧରି ଧାରଣାରେ ବସିରହିଥିବା ବ୍ରହ୍ମପୁର ସମସ୍ତ ଆଉଟସୋର୍ସିଂ କର୍ମଚାରୀମାନେ କାର୍ଯ୍ୟବନ୍ଦ ନ କରି ଅର୍ଥାତ ରୋଗୀଙ୍କ ସେବାରୁ ନିବୃତ ନହୋଇ ପ୍ରତିବାଦ ସ୍ବରୂପ କଳା ବ୍ୟାଚ୍ ପିନ୍ଧି ପ୍ରତୀକ ଧାରଣା ଜାରି ରଖିଛନ୍ତି । ସେପଟେ ତୃତୀୟ ଦିନରେ ଓଡିଶା ଆଉଟସୋରସିଂ କର୍ମଚାରୀ ମହାସଂଘ ପକ୍ଷରୁ ଏକ ପ୍ରତିନିଧି ଦଳ ଦକ୍ଷିଣାଞ୍ଚଳ ରାଜସ୍ୱ କମିଶନର ଓ ଶ୍ରମ ବିଭାଗକୁ ସାକ୍ଷାତ କରିଛନ୍ତି ।
ତେବେ ଆଗାମୀ ଏକ ସପ୍ତାହ ମଧ୍ୟରେ ସଂଘର ପ୍ରତିଶୃତି ପୂରଣ ନହେଲେ ପୁନଶ୍ଚ ସମ୍ପୂର୍ଣ କାର୍ଯ୍ୟ ବନ୍ଦ କରାଯିବ ବୋଲି କର୍ମଚାରୀମାନେ ସୂଚନା ଦେଇଛନ୍ତି । ଅନ୍ୟପଟେ ଆଜିବି ମଧ୍ୟ ନିଯୁକ୍ତି ପାଇନଥିବା କର୍ମଚାରୀ ମାନେ ଆନ୍ଦୋଳନ ଅବ୍ୟାହତ ରଖିବେ ବୋଲି କୁହାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
