ଭଞ୍ଜନଗର: ମନ୍ଦିରରୁ ଅଳଙ୍କାର ଚୋରି ଘଟଣାରେ କବିସୂର୍ଯ୍ୟନଗର ପୋଲିସକୁ ମିଳିଛି ସଫଳତା l ଅଭିଯୁକ୍ତକୁ ଗିରଫ କରିବା ସହ ବିପୁଳ ପରିମାଣରେ ଅଳଙ୍କାର ସମେତ ଖୁଚୁରା ଟଙ୍କା ଜବତ କଲା ପୋଲିସ ।
ସୂଚନା ଅନୁଯାୟୀ ଗତ ଅଗଷ୍ଟ 25 ତାରିଖରେ ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ବୁଢ଼ାମ୍ବ ନିକଟ ଛିନ୍ନମସ୍ତା ମନ୍ଦିରରୁ ମାଙ୍କ ରୂପା ମୁକୁଟ, ଆଖି ସହିତ ହୁଣ୍ଡି ଭାଙ୍ଗି ଖୁଚୁରା ଟଙ୍କା ଚୋରି ହୋଇଥିଲା । ଆଜି କୌଣସି ସୂତ୍ରରୁ ପୋଲିସ ଖବର ପାଇ ଘଟଣାରେ ସମ୍ପୃକ୍ତ ଥିବା ପୋଲସରା ଥାନା ଢଉମାଳ ଗ୍ରାମର ପ୍ରଫୁଲ୍ଲ ପାତ୍ର ନାମକ ଯୁବକକୁ ସକାଳୁ ନିଜ ଗାଁରୁ ଗିରଫ କରିଛି ପୋଲିସ l ମନ୍ଦିରରୁ ଚୋରି ହୋଇଥିବା ମା ଙ୍କ 280ଗ୍ରାମ ଓଜନର ରୂପା ମୁକୁଟ, 8ଟି ରୂପା ଆଖି ସହିତ 1443 ଟଙ୍କାର ଖୁଚୁରା ଟଙ୍କା ଜବତ କରିଛି ।
ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା କବିସୂର୍ଯ୍ୟନଗର ଥାନା ଅଧିକାରୀ ପ୍ରଭାତ ସାହୁ ଗଣମାଧ୍ୟମକୁ ସୂଚନା ଦେଇଛନ୍ତି l ଅନ୍ୟପଟେ ଘଟଣାରେ ସମ୍ପୃକ୍ତ ଥିବା ଆଉ 4 ଜଣ ସହଯୋଗୀ ଫେରାର ଥିବା ଜଣାପଡିଛି l
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
