ଭୁବନେଶ୍ବର: ସାରା ରାଜ୍ୟରେ ବିଜେଡି ବାଜିମାତ କରିଥିବା ବେଳେ ଦିଗପହଣ୍ଡି ଆସନରୁ ପୁଣିଥରେ ବିଜୁ ଜନତା ଦଳ ଉପସଭାପତି ତଥା ବରିଷ୍ଠ ନେତା ସୂର୍ଯ୍ୟ ନାରାୟଣ ପାତ୍ର ବିଜୟ ଲାଭ କରିଛନ୍ତି ।
ବିଜୟ ପରେ ମୁଖ୍ୟମନ୍ତ୍ରୀଙ୍କ ବିକାଶର ଧାରାକୁ ପାଥେୟ କରି ଲୋକଙ୍କ ପାଖରେ ପହଞ୍ଚି ପାରିଥିବାରୁ ସୂର୍ଯ୍ୟ ନବୀନଙ୍କୁ ଧନ୍ୟବାଦ ଜଣାଇଛନ୍ତି ।
ଦିଗପହଣ୍ଡି ଅଞ୍ଚଳର ପ୍ରତି ପରିବାର ସହ ନିଜକୁ ଯୋଡିବା ସହ ସେମାନଙ୍କ ସୁଖ ଦୁଃଖରେ ଭାଗିଦାର ହେବା ଓ ଲୋକଙ୍କ ସମସ୍ୟା ସମାଧାନ ଦୂର କରିବା ନିଜର କର୍ତ୍ତବ୍ୟ ରହିବ ବୋଲି ସୂର୍ଯ୍ୟ କହିଛନ୍ତି ।
ଅନ୍ୟ ପକ୍ଷରେ ସୂର୍ଯ୍ୟ ଉଭୟ ବିଜେପି ଓ କଂଗ୍ରେସକୁ ଟାର୍ଗେଟ କରିବା ସହ ବିଜେପି ଦେଇଥିବା ପ୍ରତିଶୃତି ପୂରା କରିପାରି ନଥିବା କହିଛନ୍ତି । କଂଗ୍ରେସ କିଛି କାମ କରିନଥିବାରୁ ବିଜେପିକୁ ଭୋଟ ମିଳିଥିବା ସୂର୍ଯ୍ୟ କହିଛନ୍ତି । ଏଥି ସହିତ ହିନ୍ଦି ହାର୍ଟ ଲ୍ଯାଣ୍ଡରେ ଲୋକେ ବିଜେପିକୁ ସମର୍ଥନ କରିଥିବାରୁ ବିଜେପିର ବିଜୟ ସହଜ ହୋଇଥିବା ସୂର୍ଯ୍ୟ ପ୍ରତିକ୍ରିୟା ଦେଇଛନ୍ତି ।
ଭୁବନେଶ୍ବରରୁ ଶତରୁପା ସମନ୍ତରାୟ, ଇଟିଭି ଭାରତ
