ଭଞ୍ଜନଗର: ଧରାକୋଟ ଥାନା ନେଳିଆବନ୍ଧ ଶିବମନ୍ଦିର ନିକଟରେ ଜୁଆଆଡ୍ଡା ଉପରେ ପୋଲିସର ଚଢ଼ାଉ । 19ଜଣ ଜୁଆଡ଼ି ଅଟକ ଥିବାବେଳେ ସେମାନଙ୍କ ଠାରୁ 19ଟି ମୋବାଇଲ ,5 ଟି ବାଇକ ,4.69850 ଟଙ୍କା ଜବତ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି,ଭଞ୍ଜନଗର
ସୂଚନା ଅନୁସାରେ, ଅନେକ ଦିନ ହେଲା ଏଠାରେ ଜୁଆଖେଳ ଚାଲିଛି । କେବଳ ଏତିକି ନୁହେଁ ବହୁ ଦୂରଦୂରାନ୍ତରୁ ଖେଳାଳିମାନେ ଏଠାକୁ ଜୁଆଖେଳିବା ପାଇଁ ମଧ୍ୟ ଆସିଥାନ୍ତି । କିନ୍ତୁ କୌଣସି ସୂତ୍ରରୁ ଖବରପାଇ ପୋଲିସ ରାତି ପ୍ରାୟ 8ଟା ସମୟରେ ଆଡ୍ଡା ଉପରେ ଚଢାଉ କରିଥିଲା ।
ଆସିକା ଏସଡିପିଓଙ୍କ ନେତୃତ୍ବରେ ଆସିକା ଏବଂ ଧରାକୋଟ ପୋଲିସ ମିଳିତ ଭାବେ ଜୁଆଆଡ୍ଡା ଉପରେ ଚଢ଼ାଉ କରିଥିଲେ । ଏହି ଅଞ୍ଚଳରେ ଏହାଏକ ବଡଧରଣର ଚଢ଼ାଉ ହୋଇଛି ବୋଲି ଜଣାପଡିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
