ଭଞ୍ଜନଗର : ଗଞ୍ଜାମ ବେଲଗୁଣ୍ଠା ବ୍ଲକ ଜିଲିବା ଓ ବଙ୍କା ଗାଁରେ ହାତୀ ଆକ୍ରମଣରେ ଜଣେ ମୃତ ଜଣେ ଗୁରୁତର । ମୃତକ ହେଲେ ଜିଲିବା ଗାଁର ବାଞ୍ଛାନିଧି ସେଠୀ ଏବଂ ଗୁରୁତର ମହିଳା ହେଲେ ବଙ୍କା ଗାଁର ସବିତା ପରିଡା ।
ସୂଚନା ଅନୁସାରେ, ଆଜି(ଗୁରୁବାର) ସକାଳୁୁ ବଙ୍କା ଗାଁର ଶୌଚ ହେବାକୁ ଯାଇଥିବାବେଳେ ହାତୀପଲଙ୍କ ହାବୁଡ଼ରେ ପଡିଯାଇଥିଲେ 3 ମହିଳା । ହାତୀକୁ ଦେଖି ଉକ୍ତ ମହିଳାମାନେ ଦୌଡ଼ିଥିଲେ ଯାହାକୁ ଦେଖି ହାତୀମାନେ ସେମାନଙ୍କୁ ଆକ୍ରାମଣ କରିବାକୁ ଗୋଡ଼ାଇ ଥିଲେ । ଏହାପରେ ଜ ଣେ ମହିଳାଙ୍କୁ ହାତୀ ଆକ୍ରମଣ କରିଥିବାବେଳେ, ଅନ୍ୟ 2 ମହିଳା ଦୌଡିପଳାଇଥିଲେ । ଏହାପରେ ଜିଲିବା ମୁଖ୍ୟ ରାସ୍ତାରେ ବୁଲାବୁଲି କରୁଥିବା ବାଞ୍ଛାନିଧିଙ୍କୁ ହାତୀ ଦଳି ଦେଇଥିଲେ । ଏହାପରେ ଜଙ୍ଗଲ ମଧ୍ୟକୁ ଚାଲିଯାଇଥିଲେ ହାତୀପଲ ।
ଉଭୟଙ୍କୁ ଉଦ୍ଧାର କରି ସ୍ଥାନୀୟ ଲୋକେ ଭଞ୍ଜନଗର ମେଡିକାଲରେ ଭର୍ତ୍ତି କରିଥିବାବେଳେ ଡାକ୍ତର ବାଞ୍ଛାନିଧିଙ୍କୁ ମୃତ ଘୋଷଣା କରିଥିବାବେଳେ, ଗୁରୁତର ସବିତାଙ୍କ ଚିକିତ୍ସା ଜାରି ରହିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
