ବ୍ରହ୍ମପୁର: ସହର ଉପକଣ୍ଠ ଗୋଷାଣିନୂଆଗାଁ ଥାନା ଅନ୍ତର୍ଗତ ଖଜୁରିଆରେ ଗୁଳିମାଡ ଘଟିଛି । ଏଥିରେ ଜଣେ ଆହତ ହୋଇଥିବା ସୂଚନା ରହିଛି । ଆହାତ ଯୁବକଙ୍କ ନାମ ହୀନ ପ୍ରଧାନ ବୋଲି ଜଣାପଡିଥିବାବେଳେ ତାଙ୍କ ଅଣ୍ଟାରେ ଗୁଳି ଗାଜିଛି । ତାଙ୍କୁ ଚିକିତ୍ସା ପାଇଁ ବ୍ରହ୍ମପୁର ଏମ୍.କେ.ସି.ଜି ମେଡିକାଲ ରେ ଭର୍ତ୍ତି କରାଯାଇଛି । ସେପଟେ ପୂର୍ବ ଶତ୍ରୁତା କାରଣରୁ ଏପରି ଘଟିଥିବା ଜଣାପଡିଛି ।
ଘଟଣାପରେ ପୋଲିସ ଗ୍ରାମରେ ଏବଂ ଏମ୍.କେ.ସି.ଜି ମେଡିକାଲରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିବା ସହ ମୋଟ 5 ଜଣଙ୍କୁ ଅଟକ ରଖିଥିବା ଜଣାପଡିଛି । ଏମ୍.କେ.ସି.ଜି ମେଡିକାଲରେ ବ୍ରହ୍ମପୁର ଏସ୍.ଡି.ପି.ଓ ବିଷ୍ଣ ଚରଣ ପତିଙ୍କ ସମେତ ଗୋଷାଣିନୂଆଗାଁ ଥାନାଧିକାରୀ ସୁମିତ ସୋରନ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ନୂଆ ଖଜୁରିଆ ଗ୍ରାମରେ ହୀନଙ୍କ ସହିତ ଉକ୍ତ ଗ୍ରାମର ଅନ୍ୟ ଗୋଷ୍ଠୀର କାଳିଆ ସ୍ବାଇଁଙ୍କ ପୂର୍ବ ଶତ୍ରୁତା ରହିଥିବା ବେଳେ ସଂଙ୍କ୍ରାନ୍ତି ଅବସରରେ ଗ୍ରାମରେ କାଳିଆ ଏବଂ ତାଙ୍କ ଗୋଷ୍ଠୀର 7 ରୁ8 ଜଣ ମିଳିତ ଭାବରେ ଦୁଇଟି ମାଉଜର ଧରି ହୀନ ଓ ତାଙ୍କ ଭାଇ ଘର ପାଖରେ ପହଞ୍ଚି ପ୍ରଥମେ ହାତାହାତି ହେବା ପରେ ଅତର୍କିତ ଭାବେ ଆସି 3 ରାଉଣ୍ଡ ଗୁଳି ଚଳାଇ ଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ , ଇଟିଭି ଭାରତ
