ଭଞ୍ଜନଗର: ପୁଣି ଅଲୋଡା ହେଲା ଶିଶୁ କନ୍ୟା । ଜଳଭଣ୍ଡାରରୁ ମିଳିଲା ନବଜାତ ଶିଶୁ କନ୍ୟା ମୃତହେହ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଭଞ୍ଜନଗର ଜଳଭଣ୍ଡାରରେ ।
ଫଟୋ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ଅନୁଯାୟୀ, ରବିବାର ସକାଳୁ ଲୋକମାନେ ଗାଧୋଇବାକୁ ଯାଇଥିବା ସମୟରେ ଶିଶୁକନ୍ୟାଟିର ମୃତଦେହ ପଡିଥିବାର ଦେଖିବାକୁ ପାଇଥିଲେ । ଏହାପରେ ଖବର ପାଇ ଭଞ୍ଜନଗର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ କିଏ ଏଭଳି ଅମାନୁଷିକ କାଣ୍ଡ କରିଛି ତାହା ଅସ୍ପଷ୍ଟ ରହିଛି ।
ଏପଟେ ଭଞ୍ଜନଗର ଜଳଭଣ୍ଡାରର ପାଣି ସହରକୁ ପାନୀୟଜଳ ଯୋଗାଉଥିବା ବେଳେ ଏପରି ଘଟଣାକୁ ସହରବାସୀ ନିନ୍ଦା କରିଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
