ଭଞ୍ଜନଗର: ପୁଣି ଅଲୋଡ଼ା ହେଲା ଶିଶୁକନ୍ୟା। ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ଥାନା ଅନ୍ତର୍ଗତ କାଦପଡା ଗାଁର ବିଲରୁ ଏକ ନବଜାତ ଶିଶୁକନ୍ୟା ଉଦ୍ଧାର କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ଜଣେ ମହିଳା ଛାତ ଉପରେ ଥିବାବେଳେ ବାରିପଟ ବିଲରୁ ଶିଶୁଟିର କାନ୍ଦିବାର ଶୁଣିବାକୁ ପାଇଥିଲେ । ସେଠାରୁ ନବଜାତକୁ ଉଦ୍ଧାର କରି ଆଶା ଦିଦିଙ୍କ ସହାୟତାରେ ଜଗନ୍ନାଥ ପ୍ରସାଦ ମେଡିକାଲକୁ ନେଇ ତାର ଚିକିତ୍ସା କରାଇଥିଲେ ।
ତେବେ ଶିଶୁ କନ୍ୟାଟି କାହାର ଓ କେଉଁ ପରିସ୍ଥିତିରେ ବିଲକୁ ଆସିଲା ତାହା ଜଣା ପଡ଼ିନାହିଁ । ଘଟଣାରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ବ୍ରହ୍ମପୁର ଚାଇଲ୍ଡ ଲାଇନ ସଦସ୍ୟଙ୍କୁ ଶିଶୁ କନ୍ୟାଟିକୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
