ଭଞ୍ଜନଗର: ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ବିଞ୍ଜିଗିରି ଗ୍ରାମରେ ଯୁବକକୁ ଘରୁ ଡାକି ଆଣି ପିଟିପିଟି ହତ୍ୟା । ମୃତକ ଜଣକ ହେଲେ ଆମ୍ବବାଲି ଗ୍ରାମର କୃତିବାସ ଗୌଡ । ସୂଚନାଅନୁସାରେ ସୋମବାର ରାତିରେ ଡ୍ରାଇଭର କାମ ସାରି କୃତିବାସ ନିଜ ଗାଁ ଆମ୍ବବାଲିକୁ ଫେରିଥିଲେ । ରାତି 9ଟାରେ ମାମୁଁ ଗୋପାଳ ଫୋନ ଯୋଗେ ଭଣଜା କୃତିବାସକୁ ବିଞ୍ଜିଗିରି ଗ୍ରାମକୁ ଡକାଇଥିଲେ । ପୂର୍ବଶତ୍ରୁତାକୁ କେନ୍ଦ୍ର କରି ପ୍ରଥମେ ବଚସା ହୋଇଥିଲା, ପରେ ମାମୁଁ ସହିତ କିଛି ସହଯୋଗୀ ମିଶି ଠେଙ୍ଗାରେ କୃତିବାସଙ୍କୁ ପିଟି ପିଟି ହତ୍ୟା କରିଥିବା ଅଭିଯୋଗ କରିଛନ୍ତି ବଡଭାଇ ପୀତବାସ ଗୌଡ଼ ।
ଘଟଣାସ୍ଥଳରେ ଖବରପାଇ ବଡ ଭାଇ ପହଞ୍ଚିଥିଲେ । ସେଠାରେ ସେ ଜୀବିତ ଅବସ୍ଥାରେ ଥିବା ଭାବି ଭଞ୍ଜନଗର ମେଡିକାଲକୁ ଆଣିଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏପଟେ ଗାଙ୍ଗପୁର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
