ଭଞ୍ଜନଗର: କୋଭିଡ ନିୟମ ଉଲଙ୍ଘନ କରି ବିବାଦରେ ସୋରଡା ବିଧାୟକ । ବାପାଙ୍କ ଶ୍ରାଦ୍ଧ ବାର୍ଷିକୀରେ ବିଶାଳ ଆୟୋଜନ କରି ସିଧାସଳଖ କୋଭିଡ ଗାଇଡ ଲାଇନ ଉଲ୍ଲଙ୍ଘନ କରିଛନ୍ତି ସେ । ଯାହାର ଭିଡିଓ ଏବେ ଭାଇରାଲ ପରେ ବିବାଦ ଘନେଇବାରେ ଲାଗିଛି । ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ଅମୃତୁଲୁ ଗାଁରେ ବିଧାୟକ ପୂର୍ଣ୍ଣଚନ୍ଦ୍ର ସ୍ୱାଇଁଙ୍କ ବାପା ସ୍ବର୍ଗତ ମହାଦେବ ସ୍ୱାଇଁଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଏକ ମେଗା ରକ୍ତଦାନ ଶିବିର, ଭଜନ ସମାରୋହ ସହିତ ଭୋଜି ଭାତର ଆୟୋଜନ କରିଥିଲେ ବିଧାୟକ ।
ବିଧାୟକଙ୍କ କୋଭିଡ ନିୟମ ଉଲ୍ଲଙ୍ଘନ, ଭିଡିଓ ଭାଇରାଲ
ଏଥିଯୋଗୁଁ ବହୁ ସଂଖ୍ୟାରେ ଲୋକେ ଏଠାରେ ଜମା ହୋଇଥିଲେ l ଯାହାର ଏକ ଭିଡିଓ ଏବେ ମୋବାଇଲରୁ ମୋବାଇଲକୁ ଘୁରି ବୁଲୁଛି । କୋଭିଡ ନିୟମକୁ ସରକାର କଡାକଡି କରିଥିବାବେଳେ ଶାସକ ଦଳର ବିଧାୟକ ହୋଇ ଏହା ଉଲ୍ଲଙ୍ଘନ କରିବା କେତେ ଯୁକ୍ତିଯୁକ୍ତ ତାହା ତଦନ୍ତ ସାକ୍ଷେପ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
