ଗଞ୍ଜାମ: ଗଞ୍ଜାମରେ ଲଜ୍ଜା । ଜିଲ୍ଲାର ଗାଙ୍ଗପୁର ଥାନା ଅଞ୍ଚଳରେ ଜଣେ ସପ୍ତମ ଶ୍ରେଣୀର ନାବାଳିକା ଆଠ ମାସର ଗର୍ଭବତୀ ହୋଇଥିବା ଜଣାପଡିଛି । ଯାହାକୁ ନେଇ ପୋଲିସ ଉକ୍ତ ଗ୍ରାମର ଜଣେ ଯୁବକକୁ ଗିରଫ କରିଛି ।
ଏନେଇ ଗ୍ରାମରେ କୁଳ ସମାଜରେ ଆଲୋଚନା ହୋଇଥିଲା କିନ୍ତୁ ଏହାର କୌଣସି ସମାଧାନ ହୋଇପାରି ନଥିଲା । ଶେଷରେ ଘଟଣା ଥାନାରେ ପହଞ୍ଚିଥିଲା । ଗାଙ୍ଗପୁର ଥାନା ଅଧିକାରୀ ଧୀରେସ କୁମାର ଦାଶ ଘଟଣାର ତଦନ୍ତ କରି ନାବାଳିକାକୁ ଡାକ୍ତରୀ ମାଇନା କରାଇଥିଲେ । ଯାହାପରେ ନାବାଳିକା ଗର୍ଭବତୀ ଥିବା ସ୍ପଷ୍ଟ ହୋଇଥିଲା ।
ନାବାଳିକାଙ୍କୁ ଗର୍ଭବତୀ କରି ଅଭିଯୁକ୍ତ ଗିରଫ
ପରେ ପୋଲିସ ସେହି ଗ୍ରାମର ଅଭିଯୁକ୍ତ ମଙ୍ଗୁଳୁ ନାଇକକୁ ଗିରଫ କରିବା ସହ ଡାକ୍ତରୀ ମାଇନା କରାଇଥିଲା । ଆଜି(ମଙ୍ଗଳବାର) ତାକୁ କୋର୍ଟ ଚାଲାଣ କରାଯାଇଥିବା ସୂଚନା ଦେିଛି ପୋଲିସ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
