ଭଞ୍ଜନଗର: ପ୍ରଚାର ଗାଡ଼ିରୁ ପଡ଼ି ନାବାଳକ ଗୁରୁତର । ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ 43 ନଂ ଜୋନ ଜିଲ୍ଲା ପରିଷଦ ପ୍ରାର୍ଥିନୀ ଚାନ୍ଦିନୀ ନାୟକଙ୍କ ପ୍ରଚାର ଗାଡିର ପଛପଟେ ଓହଳି ହୋଇ ଯାଉଥିବାବେଳେ ମଧୁପଲ୍ଲୀ ଠାରେ ଖସି ପଡି ଗୁରୁତର ହୋଇଥିବା ବେଳେ ପ୍ରଚାର ଗାଡିଟି ଚାଲିଯାଇଥିଲା । ଗୁରୁତର ନାବାଳକ ଓମ ପ୍ରକାଶ ବେହେରା ବୋଲି ଜଣାପଡିଛି ।
ପ୍ରଚାର ଗାଡ଼ିରୁ ପଡ଼ି ନାବାଳକ ଗୁରୁତର
ତାଙ୍କ ଘର ଗୋଲିଆ ଗ୍ରାମରେ । ଦୁର୍ଘଟଣା ନିକଟରେ କ୍ରିକେଟ ଖେଳୁଥିବା ପିଲାମାନେ ନାବାଳକ ଓମ ବେହେରାକୁ ଉଦ୍ଧାର କରି ପରିବାର ଲୋକଙ୍କୁ ଖବର ଦେଇଥିଲେ । ଓମକୁ ପ୍ରଥମେ ବୁଗୁଡ଼ା ମେଡିକାଲରେ ଭର୍ତ୍ତି କରାଯାଇଥିଲା ସେଠାରେ ପ୍ରାଥମିକ ଚିକିତ୍ସା ପରେ 108 ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ଅନ୍ୟପଟେ ଏହି ଘଟଣାକୁ ନେଇ ବୁଗୁଡ଼ା ପୋଲିସ ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
