ଭଞ୍ଜନଗର: ମାନସିକ ବିକାରଗ୍ରସ୍ତ ବ୍ୟକ୍ତିଙ୍କ ଉନ୍ମତ୍ତକାଣ୍ଡ । କାର୍ଯ୍ୟରତ ଅମିନଙ୍କୁ ବିଚ୍ ରାସ୍ତାରେ ଗୋଡେଇ ଗୋଡେଇ ଧାରୁଆ ଅସ୍ତ୍ରରେ କଲା ଆକ୍ରମଣ । ଏଭଳି ଛାତିଥରା ଘଟଣା ଘଟିଛି ଗଞ୍ଜାମ ସୋରଡ଼ା ଥାନା ଅନ୍ତର୍ଗତ ନେତାଜୀ ସାହିରେ । ଗୁରୁତର ଅବସ୍ଥାରେ ବ୍ୟକ୍ତି ଜଣଙ୍କୁ ସୋରଡ଼ା ମେଡିକାଲରେ ଭର୍ତ୍ତି କରାଯାଇଛି l
ମିଳିଥିବା ସୂଚନା ଅନୁଯାୟୀ ଅମିନ ଜଣଙ୍କ ହେଲେ ସୋରଡ଼ା ତହସିଲ ଅନ୍ତର୍ଗତ ଅସୁରବନ୍ଧ ସର୍କିଲର କାର୍ଯ୍ୟରତ ବାଗାତି ଅର୍ଜୁନ l ଅମିନ ଜଣକ ତହସିଲ କାର୍ଯ୍ୟାଳୟ କ୍ଵାଟରରୁ ବାହାରି ବଜାରକୁ ପରିବା କିଣିବାକୁ ଯାଉଥିବା ବେଳେ ଜଣେ ମlନସିକ ବିକାରଗ୍ରସ୍ତ ବ୍ୟକ୍ତି କିଛି ବୁଝିବା ପୂର୍ବରୁ ଏକ ଧାରୁଆ ଅସ୍ତ୍ରରେ ତାଙ୍କୁ ଆକ୍ରମଣ କରିଥିଲେ । ଏହା ଦେଖି ସ୍ଥାନୀୟ ଲୋକେ ମାନସିକ ବିକାରଗ୍ରସ୍ତ ବ୍ୟକ୍ତିଙ୍କୁ କାବୁ କରିବା ସହ ପୋଲିସରେ ଜିମା ଦେଥିଲେ ।
ମାନସିକ ବିକାରଗ୍ରସ୍ତ ବ୍ୟକ୍ତି ଜଣଙ୍କ ଖଜୁରୀପଲି ଗ୍ରାମର କାଁହୁ ଚରଣ ପଟ୍ଟନାୟକ ବୋଲି ଜଣା ପଡିଛି । ସୋରଡ଼ା ଥାନା ପୋଲିସ ତା ନିକଟରୁ ଏକ ଧାରୁଆ ଅସ୍ତ୍ର କାତି ଓ ତେଣ୍ଟା ଜବତ କରି ଘଟଣାର ତଦନ୍ତ ଚଳାଇଛି l ତେବେ ଏହି ବ୍ୟକ୍ତି ଜଣକ କାହିଁ ଏପରି କାଣ୍ଡ ଭିଆଇଲେ ସେନେଇ କିଛି ସ୍ପଷ୍ଟ ସୂଚନା ମିଳିପାରିନାହିଁ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
