ବ୍ରହ୍ମପୁର: ବ୍ଲାକ ସ୍ପଟ ପାଲଟିଛି ଗଞ୍ଜାମର ତପ୍ତପାଣି ଘାଟି । ଗତ କିଛି ମାସ ମଧ୍ୟରେ ତତ୍ପପାଣି ଘାଟି ଉପରେ ବାରମ୍ବାର ଦୁର୍ଘଟଣା ଘଟୁଥିବାର ନଜରି ରହିଥିବାବେଳେ ଆଜି ପୁଣି ସେମିତି ଏକ ଦୁର୍ଘଟଣା ଘଟିଛି । ଗଞ୍ଜାମ ପାଟପୁର ଥାନା ଅନ୍ତର୍ଗତ ତପ୍ତପାଣି ଘାଟିର ଖେମୁଣ୍ଡିଖୋଲ ନିକଟରେ ପୋଲକୁ ଧକ୍କା ଦେଇଛି ଏକ ଯାତ୍ରୀବାହୀ ବସ । ଫଳରେ ବସଟି ପୋଲରେ ଝୁଲି ରହିଥିବା ଦେଖିବାକୁ ମିଳିଛି । ସୌଭାଗ୍ୟ ବସତଃ ଅଳ୍ପକେ ବର୍ତ୍ତି ଯାଇଛନ୍ତି ବସର ସମସ୍ତ ଯାତ୍ରୀ ।
ମହାବୀର ନାମକ ଏହି ଘରୋଇ ବସ ଗଜପତି ରୁ ବ୍ରହ୍ମପୁର ଅଭିମୁଖେ ଆସୁଥିବା ବେଳେ ଏଭଳି ଦୁର୍ଘଟଣା ଘଟିଛି । ବସଟି ରାସ୍ତା ପାର୍ଶ୍ବରେ ରହିଥିବା ଶଙ୍ଖକୁ ଧକ୍କା ଦେଇ ଗାଡିର କେବଳ ଗୋଟିଏ ଆଗ ଚକା କଲଭର୍ଟ ପାର୍ଶ୍ବକୁ ଯାଇ ଥିବାରୁ ସାମାନ୍ୟ ଗାଡିଟି ଭାରସାମ୍ୟ ହରାଇ ରାସ୍ତା ଉପରେ ହିଁ ଅଟକି ରହିଯାଇଛି । ଫଳରେ ଏକ ବଡ ଦୁର୍ଘଟଣାକୁ ଏଡାଇ ସମସ୍ତେ ଅଳ୍ପକେ ବର୍ତ୍ତୀ ଯାଇଥିବା କହାଯାଇଛି ।
ଏଥିରେ ଅନ୍ୟ କେହି ଆହତ ହୋଇନଥିବା ଜଣାପଡିଛି । ଗତ କିଛି ମାସ ମଧ୍ୟରେ ତତ୍ପପାଣି ଘାଟି ଉପରେ ବାରମ୍ବାର ଦୁର୍ଘଟଣା ଘଟୁଥିବାର ନଜର ରହିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
