ଭଞ୍ଜନଗର: ଗଞ୍ଜାମ ଜିଲ୍ଲା ବେଲଗୁଣ୍ଠା ବ୍ଲକ ନିକଟ ଠେଙ୍ଗାଧାର ଛକରେ ଅଘଟଣ । ବଜ୍ରପାତରେ 2 ଜଣଙ୍କର ମୃତ୍ୟୁ ହୋଇଥିବା ବେଳେ 2 ଜଣ ଗୁରୁତର ହୋଇଛନ୍ତି । ମୃତକ ହେଲେ ଦୀପକ ଦଳେଇ ଓ ଦୁତି କୃଷ୍ଣ ସାହୁ । ସେହିପରି ଗୁରୁତର ହେଉଛନ୍ତି ଇଶ୍ୱର ଚନ୍ଦ୍ର ଲେଙ୍କା ଓ ଲିପୁନ ବରାଡ ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନାଯୋଗ୍ୟ, ଏମାନେ ସମସ୍ତେ ବାଇକ ନେଇ ରାସ୍ତାରେ ଯାଉଥିବାବେଳେ ହଠାତ୍ ବଜ୍ରପାତ ହୋଇଥିଲା । ତେବେ ଗୁରୁତର 2ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଚିକିତ୍ସା ପାଇଁ ବେଲଗୁଣ୍ଠା ମେଡିକାଲରେ ଭର୍ତ୍ତି କରିଛନ୍ତି । ସୂଚନା ପାଇ ଘଟଣାସ୍ଥଳରେ ବେଲଗୁଣ୍ଠା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
