ବ୍ରହ୍ମପୁର: ପାଟପୁର ପୋଲିସକୁ ସଫଳତା । ପେଶାଦାର ଅପରାଧୀ ଗଣେଶଙ୍କୁ ଗିରଫ କଲା ଗଞ୍ଜାମ ଜିଲ୍ଲା ପାଟପୁର ପୋଲିସ । ଗିରଫ ଅଭିଯୁକ୍ତ ଜଣକ ସାନଖେମୁଣ୍ଡି ବ୍ଳକ ସାହସପୁର ଗ୍ରାମର ଏ.ଗଣେଶ ପାତ୍ର ବୋଲି ପୋଲିସ ପକ୍ଷରୁ ସୂଚନା ଦିଆଯାଇଥିବା ବେଳେ ତା ନିକଟରୁ ୬ ଗୋଟି ଦାମୀ ମୋବାଇଲ ଜବତ କରିଛି ପୋଲିସ ।
ପାଟପୁର ପୋଲିସକୁ ସଫଳତା, ଗିରଫ ହେଲା ପେଶାଦାର ଅପରାଧୀ ଗଣେଷ
ସୂଚନାଅନୁଯାୟୀ, ଗତ ଅପ୍ରିଲ ୪ ତାରିଖରେ ପାଟପୁର ଥାନା ଜିଉରା ଗ୍ରାମର ସିମାଞ୍ଚଳ ସାହୁଙ୍କ ମୋବାଇଲ ଚୋରି ହୋଇଥିବା ନେଇ ଅଭିଯୋଗ କରିଥିଲେ । ହେଲେ ପୋଲିସ ଘଟଣାର ତଦନ୍ତ କରି ଅଭିଯୁକ୍ତକୁ ସାହସପୁରରୁ ଉଠାଇ ଆଣି ଜେରା କରିବା ପରେ ବିଭିନ୍ନ ସମୟରେ ବହୁ ମୋବାଇଲ ଚୋରି କରି ବିକ୍ରୟ ନିମନ୍ତେ ରଖିଥିବା ପୋଲିସ ନିକଟରେ ସ୍ୱୀକାର କରିଥିଲା । ଗିରଫ ଅଭିଯୁକ୍ତ ଗଣେଶଙ୍କ ନାମରେ ଦୁଇଟି ମାମଲା ଥାନାରେ ରହିଥିବା ବେଳେ ପୂର୍ବରୁ ପୋଲିସ ଦ୍ବାରା ସ୍ମାର୍ଟ ଫୋନ ଓ ଗାଡ଼ି ବ୍ୟାଟେରୀ ଚୋରି ମାମଲାରେ ଗିରଫ ହୋଇ କୋର୍ଟ ଚାଲାଣ କରାଯାଇଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
