ଗଞ୍ଜାମ ପୋଲିସକୁ ବଡ ସଫଳତା, ଫେରାର କୁଖ୍ୟାତ ଅପରାଧୀ ଶଙ୍କର ଗିରଫ

ଗଞ୍ଜାମ ଜିଲ୍ଲା ପୋଲିସକୁ ବଡ ସଫଳତା । ଫେରାର କୁଖ୍ୟାତ ଅପରାଧୀ ଶଙ୍କର ନାୟକକୁ ଗିରଫ କରିବା ସହ ମାଉଜର ଜବତ କଲା ପୋଲିସ । ଅଭିଯୁକ୍ତ ନାଁରେ ରହିଛି ହତ୍ୟା, ଡକାୟତି ପରି ୧୩ଟି ସଙ୍ଗୀନ ମାମଲା । ଅଧିକ ପଢନ୍ତୁ

ଗଞ୍ଜାମ: ଜଗନ୍ନାଥପ୍ରସାଦ ଥାନା ପୋଲିସକୁ ମିଳିଛି ବଡ ସଫଳତା। ଦୀର୍ଘଦିନ ଧରି ଫେରାର ଥିବା କୁଖ୍ୟାତ ଅପରାଧୀ ଶଙ୍କର ନାୟକକୁ ଗିରଫ କରିବା ସହ ତା ନିକଟରୁ ଗୋଟିଏ ମାଉଜର ଏବଂ ପାଞ୍ଚଟି ଗୁଳି ଜବତ କରିଛି ପୋଲିସ । ଗିରଫ ଅଭିଯୁକ୍ତ ନାଁରେ ପୂର୍ବରୁ ଜିଲ୍ଲାର ଏକାଧିକ ଥାନାରେ ହତ୍ୟା, ଡକାୟତି ଭଳି ୧୩ଟି ସଙ୍ଗୀନ ମାମଲା ରହିଥିବା ଭଞ୍ଜନଗର SDPO ସୂଚନା ଦେଇଛନ୍ତି ।

ସୂଚନା ଅନୁସାରେ, ଗିରଫ ଶଙ୍କର ନାୟକର ଘର ଜଗନ୍ନାଥପ୍ରସାଦ ଥାନା ବେଗୁନିଆ ଗ୍ରାମରେ । ଏକାଧିକ ଅପରାଧରେ ସମ୍ପୃକ୍ତ ଥିବା ଶଙ୍କର ଦୀର୍ଘଦିନ ଧରି ପୋଲିସକୁ ଚକମା ଦେଇ ଫେରାର ରହିଥିଲା । ପୋଲିସ ଟିମ ତାକୁ ଧରିବା ପାଇଁ ପ୍ରୟାସ ଜାରି ରଖିଥିବାବେଳେ ତାକୁ ଆଜି ମାରଣାସ୍ତ୍ର ସହ ଗିରଫ କରିବାରେ ସଫଳ ହୋଇଛି । ଶଙ୍କରର ଅନ୍ୟ ଅପରାଧିକ ସହଯୋଗୀଙ୍କୁ ମଧ୍ୟ ଖୁବ ଶୀଘ୍ର ଗିରଫ କରାଯିବା ନେଇ SDPO ସୂଚନା ଦେଇଛନ୍ତି ।

ଭଞ୍ଜନଗର, ଇଟିଭି ଭାରତ