ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ଥାନାର ଦଦରାଲୁଣ୍ଡା ଗାଁରେ ବୋମାମାଡ । ଏଥିରେ ବନ୍ଧ ସାହିରେ 3 ଗୁରୁତର ଆହତ ହୋଇଥିବା ବେଳେ ଜଣଙ୍କର ମୃତ୍ୟୁ ଘଟିଛି । ସମସ୍ତ ଆହତ ଡାକ୍ତରଖାନାରେ ଭର୍ତ୍ତି ।
ଗୁରୁତର ଆହତମାନେ ହେଲେ ଗାଁର ଚନ୍ଦନ ନାଇକ, ଦିଗାମ୍ବର ନାଇକ, ରିତୁ ନାଇକ । ସେହପରି ମୃତକ ଜଣଙ୍କ ହେଲେ କୃଷ୍ଣ ଗୌଡ । ତେବେ ବୋମାମାଡ ପରେ 4 ଜଣ ଗୁରୁତର ଆହତ ହୋଇପଡିଥିବାବେଳେ ସମସ୍ତଙ୍କୁ ପ୍ରଥମେ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଥିଲା ।
ଗଞ୍ଜାମ ବୋମାମାଡ ଘଟଣା; ଜଣେ ମୃତ, 3 ଆହତ
ପରେ କୃଷ୍ଣ ଗୌଡଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଥିଲା । ହେଲେ ବାଟରେ ଯିବା ସମୟରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି ।
ସେପଟେ ବୋମାମାଡର କାରଣ ଅସ୍ପଷ୍ଟ ଥିବାବେଳେ ପୂର୍ବଶତ୍ରୁତାକୁ କେନ୍ଦ୍ର କରି ଏପରି ହୋଇଥିବା କୁହାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚିବା ସହ 6 ଜଣଙ୍କୁ ଅଟକ ରଖି ଅଧିକ ପଚରାଉଚରା ଜାରି ରଖିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
