ଭଞ୍ଜନଗର: କୋରୋନା କାୟାରୁ ରକ୍ଷା ପାଇବା ପାଇଁ ରାଜ୍ୟରେ ଲକଡାଉନ କରାଯାଇଥିଲା । ଏହି ଲକଡାଉନ ନିୟମକୁ ମାନିନଥିଲେ କେତେକ ଅମାନିଆ । ଗଞ୍ଜାମ ଜିଲ୍ଲା ଭଞ୍ଜନଗର ଅଞ୍ଚଳରେ ଲକଡାଉନ ସମୟରେ ଲାଗୁଥିବା ବିଭିନ୍ନ ନିୟନ କାନୁନକୁ ବେଖାତିର କରି ମୋଟା ଅଙ୍କର ତଣ୍ଡ ଗଣିଛନ୍ତି ଆମାନିଆ । ଆଦାୟ ହୋଇଥିବା ସମସ୍ତ ଜୋରିମାନାକୁ ରେଡକ୍ରସ ପାଣ୍ଠିରେ ଜମା କରାଯାଇଛି ।
କୋରୋନା କିପରି ନ ବ୍ୟାପେ ସେଥିପାଇଁ ଜିଲ୍ଲାପ୍ରଶାସନ ପକ୍ଷରୁ କଡାକଡି ନିୟମ ଲାଗୁ ହୋଇଥିଲା । ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର ମିଂଜଙ୍କ ନେତୃତ୍ବରେ ଉପଖଣ୍ଡର ସମସ୍ତ ଅଧିକାରୀମାନେ ଦିନରାତି ଏକ କରି କୋରୋନା ନ ବ୍ୟାପିବା ଦିଗରେ ଉତ୍ତମ କାର୍ଯ୍ୟ ଗ୍ରହଣ କରିଥିଲେ । ଲକଡାଉନ ଲାଗି ହୋଇଥିବାବେଳେ କେତେକ ଅମାନିଆ ଲକଡାଉନ ନିୟମକୁ ଉଲ୍ଲଘଂନ କରିଥିଲେ । କିଛି ଅସାଧୁ ବ୍ୟବସାୟୀ ଏବଂ ଅମାନିଆମାନଙ୍କୁ ବିରୁଦ୍ଧରେ ପ୍ରଶାସନ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରି ବିଭିନ୍ନ ସ୍ଥାନରେ ଚଢାଉ କରିଥିଲା ।
ନିୟନ ଉଲ୍ଲଙ୍ଘନ ପାଇଁ ସେମାନଙ୍କ ଠାରୁ 40 ଲକ୍ଷ 55ହଜାର ଟଙ୍କା ଜୋରିମାନା ମଧ୍ୟ ଆଦାୟ କରାଯାଇଛି । ଆଦାୟ ହୋଇଥିବା ଜୋରିମାନା ଟଙ୍କାକୁ ଭଞ୍ଜନଗର ଉପଖଣ୍ଡରେ ସଂଗୃହିତ ରେଡକ୍ରସ ପାଣ୍ଠିରେ ଜମା କରାଯାଇଛି । ଏହି ସଂଗୃହିତ ପାଣ୍ଠି ଅସହାୟଙ୍କ ସେବାରେ ଲାଗିବ ବୋଲି କହିଛନ୍ତି ଜିଲ୍ଲପାଳ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିିିଭି ଭାରତ
