ଭଞ୍ଜନଗର: କରୋନା ମହାମାରୀରେ ସାରାଦେଶ ଲକଡାଉନ ଥିବାବେଳେ ଗଞ୍ଜାମ ଜିଲ୍ଲା ଆସିକା ପୋଲିସ ପକ୍ଷରୁ ଜୁଆ ଆଡ୍ଡା ଚଢାଉ । ଆସିକା ଖମ୍ବେଶ୍ବରୀ ପଟନାସ୍ଥିତ ନିରଞ୍ଜନ ମହିଳା ମହାବିଦ୍ୟାଳୟ ନିକଟରେ ଜୁଆଆଡ୍ଡା ଚାଲିଥିବା ଖବର ପାଇ ପୋଲିସ ଚଢାଉ କରିଥିଲା ।
ଦୀର୍ଘ ଦିନ ହେଲା ଏହି ସ୍ଥାନରେ ଜୁଆ ଖେଳ ଚାଲିଥିବା ନେଇ ସୂଚନା ରହିଥିବା ବେଳେ ଆଜି ଆସିକା ପୋଲିସ ପକ୍ଷରୁ ଚଢାଉ କରାଯାଇ ଘଟଣାସ୍ଥଳରୁ 2 ଲକ୍ଷ 10 ହଜାର 5ଶହ ଟଙ୍କା , 4ଟି ବାଇକ,11 ଗୋଟି ମୋବାଇଲ ସମେତ 11 ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ଏନେଇ ସୂଚନା ଦେଇଛନ୍ତି ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ।
ଭଞ୍ଜନଗରରୁ ରଞ୍ଜନ ସ୍ବାଇଁ , ଇଟିଭି ଭାରତ
