ଭଞ୍ଜନଗର: ଗଞ୍ଜାମ ଜିଲ୍ଲା ଦକ୍ଷିଣ ଘୁମୁସର ବନଖଣ୍ଡ ଅନ୍ତର୍ଗତ ବୁଗୁଡ଼ା ବନାଞ୍ଚଳ ଅଧୀନ ପାଞ୍ଚଭୂତି ଫରେଷ୍ଟ ବିଟ ହାଉସ ଠାରେ ଆଜି(ଶନିବାର) ବାରହା ଶିକାର ଅଭିଯୋଗରେ ଦୁଇ ଗିରଫ । ଗିରଫ ଦୁଇଜଣ ହେଲେ ବୁଲୁ ସେଠୀ ଓ ତ୍ରିନାଥ ସେଠୀ । ସେମାନଙ୍କ ଠାରୁ ପ୍ରାୟ 8 କେଜି ବାରହା ମାଂସ ଜବତ କରିଛି ବନବିଭାଗ ।
8 କେଜି ବାରହା ମାଂସ ଜବତ କଲା ବନ ବିଭାଗ
ସୂଚନା ଅନୁସାରେ, ରାତ୍ରି ପାଟ୍ରୋଲିଂ ସାରି ସଂରକ୍ଷିତ ଜଙ୍ଗଲ କମ୍ପାଟମେଣ୍ଟ - 1 ବାଟ ଦେଇ ଆସୁଥିବାବେଳେ ଗ୍ରାମ ନିକଟ ପିଲି ଆମ୍ବ ତୋଟା ମଝିରେ ଶିକାରୀ ଦ୍ବୟଙ୍କୁ ଠାବ କରିଥିଲେ । ଜଙ୍ଗଲ କର୍ମଚାରୀଙ୍କୁ ଦେଖି ଶିକାରୀ ବୁଲୁ ଓ ତ୍ରିନାଥ ଦୌଡ଼ି ପଳାଉଥିବାବେଳେ ବନପାଳଙ୍କ ସହ ଥିବା ଅନ୍ୟାନ୍ୟ କର୍ମଚାରୀମାନେ ସେହି ଦୁହିଁଙ୍କୁ କାବୁ କରିନେଇଥିଲେ ।
ସେମାନଙ୍କ ଠାରୁ ବାରହା ମାଂସ ଜବତ କରିବା ସହ ନିକିତି, ଲୁହା ତାର, କାଚ ବୋତଲ ଛାଲ ଜବତ କରି କାର୍ଯ୍ୟାଳୟକୁ ଆଣିଥିଲେ । ବୁଗୁଡ଼ା ରେଞ୍ଜର ନିର୍ଦେଶ କ୍ରମେ ଆଜି ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
