ଭଞ୍ଜନଗର: ଉପଜିଲ୍ଲାପାଳ ରାଜେନ୍ଦ୍ର ମିଂଜ ଭଞ୍ଜନଗର ଠାରେ ଲକଡାଉନ ସ୍ଥିତି ସମୀକ୍ଷା କରିଛନ୍ତି । ଭଞ୍ଜନଗର ଉପଜିଲ୍ଲାପାଳଙ୍କ ଦ୍ୱାରା ସ୍ଥାନୀୟ କୁଲାଡ଼ ରୋଡ, ବେଲଗୁଣ୍ଠା ରୋଡ ଏବଂ ତନରଡା ଛକ ଠାରେ ଚେକିଙ୍ଗ ଜୋରଦାର କରିଛନ୍ତି ।
ମୁଖ୍ୟତଃ ମାସ୍କ, ହେଲମେଟ ପିନ୍ଧି ନଥିବା ଏବଂ ବାଇକରେ ଦୁଇ ଜଣ ବସିଥିବା ଲୋକଙ୍କ ଠାରୁ ମୋଟ 16 ହଜାର 2 ଶହ ଟଙ୍କା ଜୋରିମାନା ଆଦାୟ କରାଯାଇଛି । ସେହିପରି ବେଲଗୁଣ୍ଠା ରୋଡରେ ଥିବା ଝଙ୍କରାଇ ରାମଚଣ୍ଡୀ ମନ୍ଦିରର ପୂଜକକୁ ଉପଜିଲ୍ଲାପାଳଙ୍କ ନିର୍ଦ୍ଧେଶକ୍ରମେ ଥାନାରେ ଅଟକ ରଖାଯାଇଛି ।
ପୂଜକ ଲକଡାଉନ ନ ମାନି ଭକ୍ତଙ୍କ ପୂଜା କରୁଥିଲେ । ଏହି ଚଢାଉରେ ଉପଜିଲ୍ଲାପାଳଙ୍କ ସହ ଉପଖଣ୍ଡ ପଞ୍ଚାୟତ ଅଧିକାରୀ ପ୍ରହଲ୍ଲାଦ ପ୍ରଧାନ ମଧ୍ୟ ସାମିଲ ଥିଲେ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
