ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡ଼ା ଥାନା ପାଟପଲ୍ଲୀ ଗାଁ ନିକଟସ୍ଥ ବାଉଁଶିଆ ବଣରୁ ନାବାଳିକା ଛାତ୍ରୀଙ୍କ ମୃତ ଦେହ ଉଦ୍ଧାର ଘଟଣାର ପରର୍ଦ୍ଦା ଫାସ କରିଛି ପୋଲିସ । ନାବାଳିକାର ବାପା ହିଁ ତାକୁ ହତ୍ୟା କରି ବଣରେ ଫିଙ୍ଗି ଦେଇଥିବା ଜଣା ପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ମୁତାବକ, ମୃତ ଛାତ୍ରୀ ଜଣଙ୍କ ସୋରଡ଼ା ଥାନା ଗୁଣ୍ଡିରିବାଡିର ସନ୍ତୋଷିନୀ ଗୌଡ଼ । ସେ ଗତ କିଛିଦିନ ତଳେ ନିଜ ପ୍ରେମିକଙ୍କ ସହ ଫେରାର ହୋଇଯାଇଥିଲେ । କିଛିଦିନ ବାହାରେ ରହିବାପରେ ନାବାଳିକା ଜଣକ ନିଜ ଗ୍ରାମକୁ ଫେରି ଆସିଥିଲେ । କିନ୍ତୁ ପରିବାର ସମାଜକୁ ଭୟ କରି ତାଙ୍କୁ ଘରୁ ତଡ଼ିଦେଇ ଥିଲେ । ଏହାପରେ ପାଟପଲ୍ଲୀ ଗାଁ ନିକଟସ୍ଥ ବାଉଁଶିଆ ବଣରୁ ତାଙ୍କ ମୃତ ଦେହ ଉଦ୍ଧାର ହୋଇଥିଲା ।
ନାବାଳିକା ଜଣଙ୍କ ଆତ୍ମହତ୍ୟା କରିଥାଇ ପାରନ୍ତି ବୋଲି ପୋଲିସ ସନ୍ଦେହ କରୁଥିଲା । ପରେ ସନ୍ଧାନୀ କୁକୁର ଏବଂ ସାଇନ୍ଟିଫିକ ଟିମର ସହାୟତାରେ ହତ୍ୟା ସମ୍ବନ୍ଧରେ ଜାଣିବାକୁ ପାଇଥିଲା ପୋଲିସ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
