ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ଅବକାରୀ ବିଭାଗ ଦ୍ବାରା ବିଭିନ୍ନ ସ୍ଥାନରେ ଚଢାଉ । ଚଢାଉ ସମୟରେ ଦୁଇଟି ବାଇକ, 80 ଲିଟର ଚୋରା ଦେଶୀ ମଦ ସହ ତିନି ଜଣଙ୍କୁ ଗିରଫ କରାଯାଇଛି ।
ସୂଚନା ଅନୁଯାୟୂ, ବୁଧବାର ଭଞ୍ଜନଗର ଅବକାରୀ ବିଭାଗର କର୍ମଚାରୀ ଭଞ୍ଜନଗର ବେଲଗୁଣ୍ଠା ରୋଡ ଛକ, ବାଉଁଶଲୁଣ୍ଡି ଛକ, କଲେଜ ଛକ ପ୍ରମୁଖ ସ୍ଥାନ ମାନଙ୍କରେ ଚଢାଉ କରିଥିଲେ । ସେଠାରୁ 80 ଲିଟର ଚୋରା ଦେଶୀ ମଦ ଦୁଇଟି ବାଇକକୁ ଜବତ କରିବା ସହିତ ତିନିଜଣ ବ୍ୟବସାୟୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ତେବେ ଗିରଫ ବ୍ୟକ୍ତି ହେଲେ ବେଲଗୁଣ୍ଠାର ରବୀନ୍ଦ୍ର ବେହେରା, ଲଣ୍ଡେଇସାହିର ଗଣେଶ ପ୍ରଧାନ, ବଡବୋରସିଙ୍ଗିର ଟୁନା ବେହେରା ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
