ବ୍ରହ୍ମପୁର: ନାଗରିକତା ସଂଶୋଧନ ଆଇନ-୨୦୧୯କୁ ପ୍ରତିବାଦ କରି ବ୍ରହ୍ମପୁର ଠାରେ ସିପିଆଇ ଏବଂ ସିପିଏମ୍ ପକ୍ଷରୁ ମିଳିତ ଭାବରେ ଆନ୍ଦୋଳନ କରାଯାଇଛି । ସହରର ପୁରୁଣା ବସଷ୍ଟାଣ୍ଡରେ ଆୟୋଜିତ ବିକ୍ଷୋଭରେ ଦେଶରେ ମୋଦି ସରକାରଙ୍କ ଏହି ସଂଶୋଧନ ବିଲ କରିବା ଆଳରେ ଧର୍ମ ନାମରେ ଦେଶକୁ ବିଭାଜନ ବିରୁଦ୍ଧରେ ସମସ୍ତେ ଏକତ୍ରିତ ହେବାକୁ ଦଳ ପକ୍ଷରୁ ଆହ୍ବାନ କରାଯାଇଛି ।
ଜାମିଆ ମିଲିଆ ଇସଲାମିଆ ବିଶ୍ବବିଦ୍ୟାଳୟ, ଆଲିଗଡ ମୁସଲିମ ବିଶ୍ବବିଦ୍ୟାଳୟ ସମେତ ଦେଶର ବିଭିନ୍ନ ସ୍ଥାନରେ ଏହାକୁ ନେଇ ପ୍ରତିବାଦର ସ୍ବର ଉଠୁଥିବା ବେଳେ ଏହାକୁ ନେଇ ସିପିଆଇ ଏବଂ ସିପିଏମ୍ ପକ୍ଷରୁ କେନ୍ଦ୍ର ସରକାରଙ୍କୁ ସମାଲୋଚନା କରାଯାଇଛି । ବିକ୍ଷୋଭରେ ସିପିଏମର ଜିଲ୍ଲା ସଂପାଦକ କୈଳାସ ଷଡଙ୍ଗୀ, ଜିଲ୍ଲା ସଂପାଦକ ମଣ୍ଡଳୀ ସଭ୍ୟ ବସନ୍ତ କୁମାର ନନ୍ଦ, ସିପିଆଇ ଜିଲ୍ଲା ସଂପାଦକ ପ୍ରକାଶ ପାତ୍ର, ଯୁବନେତା ନୀଳକଣ୍ଠ ଦାସ, ଫରୱାର୍ଡ ବ୍ଲକର ପୂର୍ଣ୍ଣଚନ୍ଦ୍ର ପାଢୀଙ୍କ ସମେତ ଦଳର ବହୁ ବରିଷ୍ଠ ନେତୃବୃନ୍ଦ ଉପସ୍ଥିତ ରହିଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
