୫ଟି ସଚିବଙ୍କୁ ସାକ୍ଷାତ କରିବେ ଦୀପିକା, ନ୍ୟାୟ ପାଇଁ କରିବେ ଅନୁରୋଧ

ବହୁଦିନ ଧରି ନିଜ ପ୍ରେମିକ ଘର ଆଗରେ ଧାରଣା ଦେଇ ଚର୍ଚ୍ଚାରେ ଥିବା ବ୍ରହ୍ମପୁର କେ ଦୀପିକା ୫ଟି ସଚିବଙ୍କୁ ଭେଟି ନ୍ୟାୟ ଅଭିଯୋଗ ପତ୍ର ଦେବେ ବୋଲି କହିଛନ୍ତି । ୫ଟି ସଚିବଙ୍କ ଗ୍ରସ୍ତ ସମୟରେ ସାକ୍ଷତ କରି ନ୍ୟାୟ ପାଇଁ ସଂପୂର୍ଣ୍ଣ ନିୟମ ଅନୁସାରେ ଏବଂ ଶାନ୍ତିପୂର୍ଣ୍ଣ ଭାବରେ ଅନୁରୋଧ କରିବେ । ଅଧିକ ପଢନ୍ତୁ...

ବ୍ରହ୍ମପୁର: ବହୁଦିନ ଧରି ନିଜ ପ୍ରେମିକ ଘର ଆଗରେ ଧାରଣା ଦେଇ ଚର୍ଚ୍ଚାରେ ଥିବା ବ୍ରହ୍ମପୁର କେ. ଦୀପିକା ୫ଟି ସଚିବଙ୍କୁ ଭେଟି ନ୍ୟାୟ ପାଇଁ ଅଭିଯୋଗ ପତ୍ର ଦେବେ ବୋଲି ସୂଚନା ମିଳିଛି । ରାଜ୍ୟର ୫ଟି ସଚିବ ତିନି ଦିନିଆ ଗଞ୍ଜାମ ଜିଲ୍ଲାର ଗସ୍ତ କରିବାର କାର୍ଯକ୍ରମ ରହିଛି । ଏହି ସମୟରେ ବ୍ରହ୍ମପୁରରେ ହେବାକୁ ଥିବା ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ୫ଟି ସଚିବଙ୍କୁ ସାକ୍ଷାତକରି ନ୍ୟାୟ ପାଇଁ ଅନୁରୋଧ କରିବେ ବ୍ରହ୍ମପୁରର କେ.ଦୀପିକା ।

ବ୍ରହ୍ମପୁର ସହରର ଦେଶୀ ବେହେରା ସାହିରେ ନିଜ ପୁଅକୁ ବାପାର ଅଧିକାର ପ୍ରଦାନ କରିବା ଦାବିରେ ଗତ କିଛି ମାସ ଧରି ନିଜର ପ୍ରେମିକର ଘର ସମ୍ମୁଖରେ ଧାରଣା ଦେଇଛନ୍ତି । ଇତି ମଧ୍ୟରେ ଦୀପିକାଙ୍କ ପୁଅର ଡିଏନ୍‌ଏ ରିପୋର୍ଟରେ ଆସି ଯାଇଛି । ଡିଏନ୍‌ଏ ରିପୋର୍ଟରେ ତାଙ୍କ ସନ୍ତାନର ବାପା କେ. ଦିନେଶ ବୋଲି ସ୍ପଷ୍ଟ ହୋଇଥିଲେ ସୁଦ୍ଧା ଦିନେଶଙ୍କ ପରିବାର ବର୍ଗ ଏହାକୁ ଗ୍ରହଣ କରିବାକୁ ରାଜି ହେଉନାହାନ୍ତି । ସେ ନ୍ୟାୟ ପାଇବାକୁ ବ୍ରହ୍ମପୁରଠାରେ ହେବାକୁ ଥିବା ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ 5T ସଚିବଙ୍କୁ ସାକ୍ଷାତକରି ନ୍ୟାୟ ପାଇଁ ଅନୁରୋଧ କରିବେ ।

ଏହା ପୂର୍ବରୁ ବ୍ରହ୍ମପୁର ଆରକ୍ଷୀ ଅଧିକ୍ଷକଙ୍କୁ ସାକ୍ଷାତ କରିଛନ୍ତି ଦୀପିକା । 5T ସଚିବ ଭିକେ ପାଣ୍ଡିଆନଙ୍କ ନିକଟକୁ ଅଭିଯୋଗ ପତ୍ର ଦେବା ପାଇଁ ଅନୁମତି ପ୍ରଦାନ ପାଇଁ ଉପଜିଲ୍ଲାପାଳଙ୍କୁ ବ୍ରହ୍ମପୁର ଏସ୍‌ପି ପରାମର୍ଶ ଦେଇଥିବା ଦୀପିକା କହିଛନ୍ତି । ସେ କହିଛନ୍ତି, "ରାଜ୍ୟର 5T ସଚିବ ଭି କେ ପାଣ୍ଡିଆନ ବିଭିନ୍ନ ଜିଲ୍ଲା ପରିକ୍ରମା କରି ଜନସାଧାରଣଙ୍କଠାରୁ ଅଭିଯୋଗ ପତ୍ର ଗ୍ରହଣ କରୁଛନ୍ତି । ତେଣୁ ମୁଁ ମୋର ଅଭିଯୋଗ ପତ୍ର 5T ସଚିବକୁ ପ୍ରଦାନ କରିବି ଏବଂ ଆଶା ଅଛି ସେ ମୋତେ ନ୍ୟାୟ ଦେବାରେ ସହାୟକ ହେବେ ।"

ଏହା ମଧ୍ୟ ପଢନ୍ତୁ ...ପୁଅକୁ ବାପାର ପରିଚୟ ଦାବି: ପୁଣିଥରେ ଦିନେଶଙ୍କ ଘର ସାମ୍ନାରେ ବସିଲେ ଦୀପିକା

ପୂର୍ବରୁ ଥାନାରୁ ସାର୍ଟିଫାଏଡ଼ କପି ଆଣିଥିଲେ ଦୀପିକା । ଦୀପିକା ଡିଏନ୍ଏ ରିପୋର୍ଟକୁ ପୋଷ୍ଟର କରି ପ୍ରେମିକ ଦିନେଶର ଘର ସମ୍ମୁଖରେ ଧାରଣାରେ ବସିଥିଲେ । କଣ ହେବ ଦୀପିକାଙ୍କ ସନ୍ତାନର ଭାଗ୍ୟ ତାହାକୁ ନେଇ ପ୍ରଶ୍ନ ଉଠିଛି । 2022ରେ ଏହି ତଥ୍ୟ ରାଜ୍ୟ ଫରେନ୍ସିକ୍ ଲ୍ୟାବ୍‌ ପକ୍ଷରୁ ପ୍ରସ୍ତୁତ କରାଯାଇଥିଲା । ଗତ 2021ରେ ହୋଇଥିବା ମାମଲାରେ ରିପୋର୍ଟ ପ୍ରସ୍ତୁତ କରିବା ପାଇଁ ଟାଉନ ଥାନା ପକ୍ଷରୁ ଆବେଦନ କରାଯାଇଥିଲା । 2022ରେ ଏହି ରିପୋର୍ଟକୁ ଏସ୍‌ଡିଜେଏମ କୋର୍ଟ ଓ ବ୍ରହ୍ମପୁର ଏସ୍‌ପିଙ୍କୁ ପ୍ରଦାନ କରିଥିଲେ । କେ. ଦୀପିକା ସ୍ତ୍ରୀର ମାନ୍ୟତା ଦାବି କରି ଦୀର୍ଘ ଦିନ ହେଲା ଶାଶୁ ଘର ଆଗରେ ଧାରଣାରେ ବସିଥିଲେ । ଦୀର୍ଘ ଦିନରେ ବିରତି ପରେ ଗୁରୁବାର ବ୍ରହ୍ମପୁରର ଦେଶୀବେହେରା ସାହିରେ ଶ୍ବଶୁର ଘର ସମ୍ମୁଖରେ ଧାରଣାରେ ବସିଥିଲେ ଦୀପିକା । ପୁଅକୁ ବାପାର ପରିଚୟ ଓ ନ୍ୟାୟ ପାଇବା ପାଇଁ 6 ମାସ ପରେ ପୁଣି ଧାରଣା ଦେଇଛନ୍ତି ଦୀପିକା । ଡିଏନଏ ରିପୋର୍ଟ ମିଳିଲେ ଛୁଆକୁ ବାପାର ପରିଚୟ ମିଳିପାରିବ ବୋଲି କହିଛନ୍ତି ଦୀପିକା ।

ଇଟିଭି ଭାରତ ,ବ୍ରହ୍ମପୁର