ଗଞ୍ଜାମ: ଗଞ୍ଜାମ ଜିଲ୍ଲା ଧରାକୋଟ ପୋଲିସ ଦ୍ୱାରା ବାଣ ବୋଝେଇ ଟ୍ରକ ଜବତ । ଟ୍ରକ ଡ୍ରାଇଭର ଚମ୍ପଟ ମାରିଥିବାବେଳେ ଜବତ ବାଣର ଆନୁମାନିକ ମୂଲ୍ୟ ପଚାଶ ଲକ୍ଷ ହେବବୋଲି ଥାନା ଅଧିକାରୀ ସୂଚନା ଦେଇଛନ୍ତି ।
ରାଜ୍ୟ ସରକାର ଆସନ୍ତା ଦୀପାବଳୀକୁ ଦୃଷ୍ଟିରେ ରଖି ବାଣ ବିକ୍ରି ଓ ବାଣ ଫୁଟାଇବା ବିରୋଧରେ କଡ଼ା ନିୟମ ଆଣିଛନ୍ତି । ତଥାପି ଲୁଚା ଛପାରେ ବାଣ ବ୍ୟବସାୟ ଜାରି ରହିଛି । ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ବିପୁଳ ପରିମାଣର ବାଣ ମଧ୍ୟ ଜବତ କରୁଛି ।
ଗୁରୁବାର ଧରାକୋଟ ବ୍ଲକ ମୁଣ୍ଡମରାଇ ନିକଟ କଲେଜ ପାଖରେ ଥିବା ଏକ ପାହାଡ଼ ନିକଟରେ ବାଣ ବୋଝେଇ ଟ୍ରକଟି ଠିଆ ହୋଇଥିବାବେଳେ କୌଣସି ସୂତ୍ରରୁ ଖବର ପାଇ ଆସିକା sdpoଙ୍କ ନେତୃତ୍ୱରେ ଧରାକୋଟ ପୋଲିସ ପହଞ୍ଚି ଟ୍ରକଟିକୁ ଯାଞ୍ଚ କରିଥିଲେ । ଟ୍ରକରେ ବିପୁଳ ବାଣ ଥିବାବେଳେ ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ