ଭଞ୍ଜନଗର: ଆଉ ଜଣେ କୋରୋନା ଯୋଦ୍ଧାଙ୍କ ମୃତ୍ୟୁ । ଗଞ୍ଜାମ ଜିଲ୍ଲା ତାରସିଙ୍ଗି ଥାନାରେ କାର୍ଯ୍ୟରତ ଏଏସଆଇ ଶିବରାମ ଦାସଙ୍କର ସୋମବାର ସନ୍ଧ୍ୟାରେ ଭଞ୍ଜନଗର କୋଭିଡ ସେଣ୍ଟରରେ ମୃତ୍ୟୁ ହୋଇଯାଇଛି । ତାଙ୍କ ମରଶରୀରକୁ ଶବଗୃହରେ ରଖାଯାଇଥିବାବେଳେ ଆସନ୍ତା କାଲି ବ୍ରହ୍ମପୁର ନିକଟ ଶୀତଳ ପଲ୍ଲୀ ଠାରେ ପ୍ରଶାସନିକ ସ୍ତରରେ ଗାଡ଼ଅଫ ଅନର ଦିଆଯାଇ ଅନ୍ତିମ ସତ୍କାର କରାଯିବ ।
ସୂଚନା ପ୍ରକାରେ ସାତ ଦିନ ତଳେ ତାରସିଙ୍ଗି ଥାନାର ସମସ୍ତ କର୍ମଚାରୀଙ୍କ କୋଭିଡ ଟେଷ୍ଟ କରାଯାଇଥିଲା । ସେଥିମଧ୍ୟରୁ ଆଠ ଜଣଙ୍କ ପଜିଟିଭ ରିପୋର୍ଟ ଆସିଥିଲା ପଜିଟିଭ ରିପୋର୍ଟ ଆସିଥିବା ସମସ୍ତ କର୍ମଚାରୀଙ୍କୁ ଭଞ୍ଜନଗର କୋଭିଡ ସେଣ୍ଟରରେ ରଖାଯାଇଥିଲା । ହେଲେ ଆଜି ସନ୍ଧ୍ୟା ସମୟରେ ଏଏସଆଇ ଶିବରାମ ଦାସଙ୍କ ମୃତ୍ୟୁ ଘଟିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
