ବ୍ରହ୍ମପୁର: ନିର୍ବାଚନ ପ୍ରଚାରରେ ବିଜେପିକୁ ଟାର୍ଗେଟ କଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଶୀତଳପଲ୍ଲୀ ରେଳଡବା କାରଖାନାରୁ ସ୍ବତନ୍ତ୍ର ରାଜ୍ୟ ପାହ୍ୟା ମିଳିବା ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ନବୀନ । ଦଳୀୟ ପ୍ରାର୍ଥୀଙ୍କ ପାଇଁ ଗଞ୍ଜାମ କନିଷିରେ ଆୟୋଜିତ ସାଧାରଣ ସଭାରେ ଗର୍ଜିଛନ୍ତି ସେ । ପ୍ରଚାର ଆରମ୍ଭରୁ ବର୍ଷକୁ ଦୁଇ କୋଟି ନିଯୁକ୍ତି ଏବଂ ପାଞ୍ଚ ବର୍ଷରେ ୧୦ କୋଟି ନିଯୁକ୍ତିକୁ ନେଇ ପ୍ରଶ୍ନ ଉଠାଇଛନ୍ତି ନବୀନ ।
ସେହିପରି ଶୀତଳାପଲ୍ଲୀର ରେଳଡବା କାରଖାନା, ଏସସିଏସଟିଙ୍କ ଛାତ୍ରବୃତ୍ତି, ସ୍ୱତନ୍ତ୍ର ରାଜ୍ୟ ପାହ୍ୟାକୁ ପ୍ରସଙ୍ଗ କରିଛନ୍ତି ନବୀନ । ରାଜ୍ୟରେ ପ୍ରାକୃତିକ ଦୁର୍ବିପାକ ସମୟରେ କେନ୍ଦ୍ରରୁ କେହି ଆସିଲେ ନାହିଁ । ଫାଇଲିନ୍, ହୁଡହୁଡ, ତିତିଲି ଓ ମରୁଡ଼ି ସମୟରେ ମଧ୍ୟ କାହାର ଦେଖା ମିଳିନଥିଲା । ମାତ୍ର ଭୋଟ ବେଳେ ବିଜେପି କୁମ୍ଭୀର କାନ୍ଦଣା କାନ୍ଦୁଥିବା କହି ସମାଲୋଚନା କରିଛନ୍ତି ମୁଖ୍ୟମନ୍ତ୍ରୀ ।
ସେହିପରି ରାଜ୍ୟ ସରକାରଙ୍କ ଯୋଜନାକୁ ନେଇ ସଭାରେ ଉପସ୍ଥିତ ଜନତାଙ୍କୁ ଉଦବୋଧନ ଦେଇଛନ୍ତି ନବୀନ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
