ବ୍ରହ୍ମପୁର : ଟ୍ରକ୍କୁ ପଛପଟୁ ଧକ୍କା ଦେଲା ବସ୍ । ଏ ଦୁର୍ଘଟଣାରେ ୧୦ ଜଣ ଆହତ ହୋଇଥିବା ବେଳେ ଜଣେ ଗୁରୁତର ହୋଇଥିବା ସୂଚନା ମିଳିଛି । ଗଞ୍ଜାମ ଜିଲ୍ଲା ଅଗସ୍ତି ନୂଆଗାଁ ଗ୍ରାମ ନିକଟରେ ଘଟିଛି ଏହି ଦୁର୍ଘଟଣା।
ବ୍ରହ୍ମପୁରରୁ ଭୁବନେଶ୍ବର ଅଭିମୁଖେ ଯାଉଥିବା ଘରୋଇ ବସ୍ ସିଲକ ସିଟି ଛତ୍ରପୁର ଏବଂ ଗଞ୍ଜାମ ମଧ୍ୟବର୍ତ୍ତୀ ଅଗସ୍ତି ନୂଆଗାଁ ନିକଟରେ ଏକ ଟ୍ରକକୁ ଓଭର ଟେକ କରିବାର ପ୍ରୟାସ କରୁଥିଲା । ଏହି ସମୟରେ ଟ୍ରକ୍ର ପଛପଟେ ଯାଇ ପିଟି ହୋଇଥିଲା ବସ୍ । ତେବେ ଦୁର୍ଘଟଣାରେ ବସ୍ର 10 ଜଣ ଯାତ୍ରୀ ଆହତ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଛନ୍ତି । ସମସ୍ତ ଯାତ୍ରୀଙ୍କୁ ଉଦ୍ଧାର କରି ପ୍ରଥମେ ଗଞ୍ଜାମ ସ୍ବାସ୍ଥ୍ୟକେନ୍ଦ୍ର ଏବଂ ପରେ ଛତ୍ରପୁର ସରକାରୀ ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ଜଣାପଡିଛି।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
