ଭଞ୍ଜନଗର : ସମ୍ପତ୍ତି ଲୋଭରେ ଭାଇକୁ ପିଟିପିଟି ହତ୍ୟାକଲେ ଭାଇମାନେ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ପାଣ୍ଡିରିପଡ଼ା ପଞ୍ଚାୟତ ମଧ୍ୟରେ ଥିବା ପତାଳସିଙ୍ଗି ଗ୍ରାମରେ । ସୂଚନାନୁସାରେ ଏହି ଗାଁରେ ରହୁଥିବା ବିଦ୍ୟାଧର ସାହୁଙ୍କ ସହିତ ତାଙ୍କ ଭାଇମାନଙ୍କର ଦୀର୍ଘଦିନ ହେବ ସମ୍ପତ୍ତି ଓ ବିଲ ଭାଗବଣ୍ଟାକୁ ନେଇ ଚାଲିଥିଲା ଗଣ୍ଡଗୋଳ ।
ହେଲେ ବିଦ୍ୟାଧରଙ୍କ ମନ୍ତବ୍ୟକୁ ନେଇ ଅଶାନ୍ତି ରହୁଥିଲେ ଭାଇମାନେ । ଗତକାଲି (ରବିବାର) ଏକ ବିଲ ଓ ଘରର ସମ୍ପତ୍ତିକୁ ନେଇ କିଛି ଯୁକ୍ତିତର୍କ ହୋଇଥିଲା ବିଦ୍ୟାଧରଙ୍କ ସହିତ ଭାଇ ମାନଙ୍କର । ଏଥିରେ ଉତକ୍ଷିପ୍ତ ହୋଇ ବିଦ୍ୟାଧରଙ୍କୁ ସମସ୍ତ ଭାଇ ଅର୍ଥାତ ସୁବଳ ସାହୁ, ସୁମନ୍ତ ସାହୁ, ମନୋଜ ସାହୁ, ଶଙ୍କର ସାହୁ ମିଶି କୋଡ଼ି, ଖଣ୍ଡା, ହାତୁଡି଼ରେ ପିଟିଥିଲେ ।
ଏହି ଘଟଣାରେ ବିଦ୍ୟାଧର ଗୁରୁତର ହେବାରୁ ତାଙ୍କୁ ପରିବାର ଲୋକେ ତୁରନ୍ତ ପୋଲସରା ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବରପାଇ କସିପୋଡ଼ା ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ବେଳେ ଅଭିଯୁକ୍ତ ଭାଇମାନେ ଫେରାର ହୋଇଯାଇଥିବା ଜଣାପଡିଛି ।
ଇଟିଭି ଭାରତ, ଭଞ୍ଜନଗର
