ବ୍ରହ୍ମପୁର: ଆଜି ଦେଶବ୍ୟାପୀ ରାଷ୍ଟ୍ରୀୟ ଯୁବ ଦିବସ ପାଳନ କରାଯାଉଛି । ଏହି ଅବସରରେ ଯୁବବର୍ଗକୁ ସ୍ୟାଣ୍ଡ ଆନିମେନସ କରି ବାର୍ତ୍ତା ଦେଇଛନ୍ତି ବାଲୁକା ଶିଳ୍ପୀ ସତ୍ୟ ନାରାୟଣ ମହାରଣା ।
ଯୁବ ଦିବସରେ ସତ୍ୟଙ୍କ ସ୍ୟାଣ୍ଡ ଆନିମେସନ
ବ୍ରହ୍ମପୁରର ବାଲୁକା ଶିଳ୍ପୀ ସତ୍ୟ ସ୍ୟାଣ୍ଡ ଆନିମେସନ କଳାକୃତି ମାଧ୍ୟମରେ ଯୁବପୀଢିଙ୍କୁ ରାଷ୍ଟ୍ରର ଶକ୍ତି କହିଛନ୍ତି । ସମସ୍ତେ ମିଳିମିଶି କାର୍ଯ୍ୟ କଲେ ଦେଶର ଉନ୍ନତି ହେବ ବୋଲି ସେ ଆହ୍ବାନ କରିଛନ୍ତି । ମହାମାରୀ କୋଭିଡ-19 କୁ ନେଇ ସମସ୍ତେ ସୁରକ୍ଷିତ ରହିବାକୁ ସେ କହିଛନ୍ତି । ସମସ୍ତେ ମାସ୍କ ପରିଧାନ, ପରସ୍ପର ଠାରୁ ଦୂରତା ରଖିବାକୁ ଆହ୍ବାନ କରିଛନ୍ତି ସତ୍ୟ ।
ଏପରିକି ଯୁବ ଦିବସରେ ସମସ୍ତେ ମିଳିତ ଭାବରେ ସମାଜ ମଙ୍ଗଳ କାର୍ଯ୍ୟ କରିବା , ନାରୀ ମାନଙ୍କୁ ସମ୍ମାନ ଦେବା , ଅନ୍ୟାୟ ବିରୋଦ୍ଧରେ ଜନ ଜାଗରଣ ସୃଷ୍ଟି କରିବା ସହିତ ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତେ ଏକ ହୋଇ କୋରୋନା ବିରୋଦ୍ଧରେ ଲଢିବା କୁ ଆହ୍ବାନ କରିଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
