ଭଞ୍ଜନଗର: ସବର୍ଣ୍ଣ ଅସବର୍ଣ୍ଣକୁ ନେଇ ଘଟିଛି ସଂଘର୍ଷ । ଘଟଣାଟି ଗଞ୍ଜାମ ଜିଲ୍ଲା ସୋରଡା ଥାନା ଅନ୍ତର୍ଗତ ଗୁଣ୍ଡିରିବାଡି ଗ୍ରାମରେ ଘଟିଥିବା ବେଳେ ଏଥିରେ ଅସବର୍ଣ୍ଣର 10 ଜଣ ଗୁରୁତର ଭାବେ ଆହତ ହୋଇଛନ୍ତି । ସେମାନଙ୍କୁ ସୋରଡା ମେଡିକାଲରେ ଭର୍ତ୍ତି କରାଯାଇଥିବା ଜଣା ପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ମୁତାବକ, ଆଜି ଅସବର୍ଣ୍ଣ ସମାଜର ପରମାନନ୍ଦ ନାମକ ଜଣେ ବ୍ୟକ୍ତିଙ୍କର ବରଯାତ୍ରୀ ବାହାରି ଗ୍ରାମର ଏକ ମନ୍ଦିର ଅଭିମୁଖେ ଯାଉଥିଲା । ଏହି ସମୟରେ ଗ୍ରାମର କିଛି ଅସାମାଜିକ ଯୁବକ ସେମାନଙ୍କ ଉପରକୁ ଢେଲା ମାଡ କରିଥିଲେ । ଫଳରେ ବରଯାତ୍ରୀର 10 ଜଣ ଆହତ ହୋଇଥିଲେ ।
ସେପଟେ ପୋଲିସ ଗ୍ରାମରେ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ଘଟଣାର ତଦନ୍ତ କରୁଥିବା ଜଣା ପଡିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
