ଭଞ୍ଜନଗର: ଗଞ୍ଜାମ ଘୁମୁସର କଳାକାର ସଂଘ ପକ୍ଷରୁ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଭଞ୍ଜନଗର ଉପଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ । ପୁଣି ଜୀବିକା ନିର୍ବାହ ପାଇଁ ‘ମଞ୍ଚ’ ଫେରାଅ ନଚେତ କର୍ମ ନିଯୁକ୍ତି ପ୍ରଦାନ ଦାବି କରି ନିଆରା ଢଙ୍ଗରେ କଳାକାରମାନେ ଏକ ଶୋଭାଯାତ୍ରାରେ ବାହାରିଛନ୍ତି । ସମସ୍ତେ ବାଉଁସଲୁଣ୍ଡିରୁ ବାହାରି ସହର ପରିକ୍ରମା କରି ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଦାବିପତ୍ର ପ୍ରଦାନ କରିଛନ୍ତି ।
କଳାକାର ସଂଘର ଦାବି, ‘ମଞ୍ଚ’ ଫେରାଓ ନଚେତ ନିଯୁକ୍ତି ଦିଅ
ଦୀର୍ଘ ଆଠ ମାସ ହେଲା କୋରୋନା ମହାମାରୀର ଲକଡ଼ାଉନ ସଟଡ଼ାଉନରେ କଳାକାରମାନେ ଜୀବନ ଜୀବିକା ହରାଇ ବସିଛନ୍ତି । କେତେଦିନ ଆଉ ଦୁଃଖ କଷ୍ଟରେ ଚଳିବେ, ବାଧ୍ୟ ହୋଇ ମଙ୍ଗଳବାର ଘୁମୁସର ଜିଲ୍ଲାର କଳାକାରମାନେ ରାଜରାସ୍ତାକୁ ଓହ୍ଲାଇଛନ୍ତି । ସେମାନଙ୍କର ମୁଖ୍ୟ ଦାବି ହେଲା ବଞ୍ଚିବାକୁ ରୋଜଗାର ଦିଅ ନଚେତ ଆମକୁ ମଞ୍ଚ ଦିଅ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
